PANTOEN - CAE ACEH B U N G O N G
OLEH: Misraa Poetrie Alexsya
Teungoh goet LUHU MEULU bak tangkai
Duroh si helai angen peu nari
Lo kumbang yang EU BURU neuk gapai
Meu awai awai mita simpati
Bungong lam PAGEU SULU sijeungkai
Kumbang cukop jai rela meu antri
Keuneuk peu GANGGU MADU neuk tuai
Nyo sempat lalai kakeuh terjadi

Katakan MISEU ILMU tan bekai
Nyo paneuk akai dumpue tatem bi
Ek JipeuKARU le KUPU alay
Han ek ta kawai hastrat di hati
Oh ban ji RAYU BUHU di urai
Jangeun di rangkai cae puisi
Sinan keuh LAJU RINDU fon asai
Keumah terbuai ngon janji janji
Rigab ber TEMU SU U ngon lihai
Bungong di nodai berkali kali
Kalah bak NAFSU LESU terkulai
Oh keunong belai para lelaki
Ban habeh MADU lam PASU lunglai
Bungong di tinggai han di padoli
Gampang ji MEUSU SAYANGKU good by
Laen yg bohay kumbang jak cari
Meuleumpah tunu pilu ngon kanjai
Peu lom seandai di keubah bukti
Sepanjang WAKTU MALU peu intai
Di jih han sagai le di jak sudi
Di lee koen LAGU SYAHDU meu tai2
Goh teuploh tirai tabeng yg suci
Jinoe ka BISU SENDU aduhay
Baro meunyesai di Kawom putri
peu yg ta TUJU TENTU han usai
Ka terbengkalai cita yg tinggi
Di dalam PILU DUMPUE teu abai
Hantroh ta capai cinta hakiki..
Wahai peuRINDU MEULU teuratai
Bek Jeut Di upai mawar berduri
Bajee Ngon LUWEU TANGUI beu teubai
Meunan keuh hai say ta jaga diri