PANTOEN - CAE ACEH HAN TROH BAN CITA
oleh: ABU BINEH KRUNG
Meu nyeo hana le, pade dalam blang
Tulo teureubang, jiwoe dalam gle
Meu nyeo hana le, gaseih ngeon sayang
Bah le loen tuan, bek le seu mike
Seu tia payah, loen pula bawang
Watei ka panyang, ka gob jak rabe
Seu tia leu pah, lon tanom sayang
Oh akhe datang, jeut saket hate
Yoeh awai mameih, bajik boh mancang
Pakeon ka masam, jinoe boh hate
Peu keuh salah loen, aci ta peu trang
Hingga balasan, peu saket hate
janji yoh dilei, nibak rangkang blang
ABU ta sayang, seu punoh hate
Ta kheun bak kanda, ciet si droe cut bang
Rupa jieh intan, na brok lam hate
Baro loen teu peu, loen tan tasayang
Lon e bak jalan, mesra bukon le
Ngeon si droe agam, gagah that garang
Taduk ta pasang, garang bukon le
Di ABU leumoeh, han jeut lon pandang
Lagei nyuem sang sang, luroeh lam hate
Rasa sang seu poet, cot uroe timang
Hanco fikiran, teu bayang sabe
Lab meu deh adoe, ta peu gah beu trang
Bahwa dek sayang, kana soe rabe
Mubeik ta peu ngout, raket bak pisang
Lheuh ta jeu merang, kahan tatung le
Ngon ureung laen, gata yue pinang
Duk peu laminan, senang bukon le
Ulon duk tahoe, mata meu mandang
Donya meu guncang, darah lon jile
Uloen sadari, hai adoe sayang
Saweub lon tuwan, gasin bukon le
Lon ureung gasin, hudeb meu lang lang
Han mungken sayang, gata boh hate
Andai yoeh awai, ka gata peu trang
Lon buang sayang, holaen hate
Segolom lon bri, keu gata sayang
Mungken han mumang, bak lon seu mike
Han sampoe meu noe, nasib meu lang-lang
Han jeut loen keu nang, saket lsm hate
Ka leu pah cinta, deu ngeon lon sayang
Paki tapaban, jeut saket hate
Ie mata lon roe, jile meu linang
Tib uroe tuhan, han ek lon pike
Loen keu neuk lupa, gata oh sayang
Teutap ter bayang, kasabe sabe
Memang ka nasib, ngon gata sayang
Putoh harapan, cinta ka reu le
Mumada oh noe, haba lon karang
Tabri balasan, adoe boh hate