PANTOEN - CAE ACEH MELINTEUNG TAHTA
Oleh: Panton Burger
Riyeuk Samudra lambong ie paseung
Sayang bit malang Pawang Nahkoda
Hanyot bahtera gelumbang timpeung
Izin keuh dilei watei peumirsa
Ngidam lon rika notta lembayung
Sirang bak harok neucok keu guna
Hana neusuka bEk cit neu salueun
Leumah bak tampok pucok seulaya
Harom seulaksa katrok bei uleun
Meunan teu singkat kasad pembuka
Meupat jeut lara kakeuh neu maklum
Lisan lon sumong keu bungong nira
Ubaroh banda simpang cot keu'eung
Bagoe peuneurah lam kudrah sastra
Meulinang nista yangka lon punyum
Kasep hy adoe mawoe jeupara
Riwayat cinta yangka taruguem
Miseu ta harap keu akad peuHa
KeuhaL teupaksa saket dalam beun
Mungken keuh Ohnoe tanyoe Adinda
Hana geurela akan peutumuen
Gaseh lonsulueng Melinteung Tahta
Taloe asmara putoh lam lumueng
Sadar bit akan cutbang tan daya
Faqi tan' harta gasin diyup seung
Cinta lon tindeh lambinteh kaca
Han'ek ulonba peut ploh mym gleung
Cuma bak rabbon ampon lon pinta
Moga bahgia putroe puteh pleun
Judo yang geubi bak aby ngon ma
Nyang keuh tajaga hy Intan buleun
Su-ai nyoe kande bEklee Takira
Han'lon peudua gaseh meu buntueng
Walau meurutoh la-en troh teuka
Teutap citgata diba lam reunung
Sayang 0h' sagop teutop purnama
Riyoh angen ba teulambong ujeun
Akhe lam jantong selubong jiwa
Meulanoh luka hingga lam tuleung
Awai lam jaroe adoe lon niet na
Kayem meu jelma didalam lamun
Lon harap beu jroh lamsaboh cinta
Duroh ie Mata han-ek lon bendung