PANTOEN - CAE ACEH MITA RASEUKI

Salam alaikum. lon puphon rawi
Saleum ulonbri. keu bandum taulan
Segala pujo. keu PO ya RABBI
Yg pejeut bumi. ngon isi alam
Geutanyo udep. beuna syukuri
Pujoe keu rabbi. dengon amalan
Mita raseuki. pasti ALLAH bri
Kerija tani. atau di ladang
Ladom kerija. pegawai neugri
Na yg kerani. kapai lautan
Ladom keurija. na balek bumi
Jak pula capli. dalam gle tuhan
Ladom keurija. agen boh punti
Ladom meutani. jak pula kacang
Ladom jeut toke. bisnis teurasi
Keurija kuli. pegot saluran
Ladom keurija. bak kedee kupi
Na yg meukat mi. bak spg jalan
Ladom keurija. kanto bupati
Bak asuransi. sinan pih saban
Ladom jeut toke. keu agen sapi
Kameng keubiri. usaha sinan
Yg moge manok. itek beulati
Oh suboh pagi. geukirem barang
Penteng usaha. MITA raseuki
Pasti ALLAH bri. udep teuh senang
Limong boh wate. wajeb taati
Bak tewo akhi. tanyo sembahyang
Nikmat yg geubri. tanyo syukuri
Hate yg suci. jioh yg larang
Tanyo ibadah. keu po YA RABBI
Pahla ALLAH bri. meu kuyan kuyan
Bineh kuala. bangka meuriti
Bak bineh pasi. rinyeuk meuguncang
Tatem usaha. cit troh raseuki
Dak tajep kupi. han payah utang
Yg penteng haleu. mita raseuki
Dak pucok ubi. taba u pekan
Penteng usaha. keunafakahi
Keu aneuk istri. nakeuh meu jajan
Ladom kerija. bak kilamg padi
Na yg poet kupi. di gle lampahan
Ladom usaha. bak bidang seni
Bak beo grafi. segala bidang
Geutanyo udep. geubi raseuki
Na yang but tani. na yg kantoran
Tukang peurabot. yg pegot mari
Bak kaye jati. dgn bak saban
Ladom jak meukat. u pasai pagi
Meukat mitasi. bak uroe pekan
Bak rame rame. pekan di sigli
Dum hasil tani. meumacam ragam
Yg mekat kuyet. dengon keuladi
Troh boh labu ie. ka dgn pisang
Nyamban usaha. seuhari hari
Nafakah istri. udep teuh senang
Nyamban lon kisah. mita raseuki
Urat menari. bak cari makan
Ohno meumada. ca.ee lon rawi
Bak laen kali. sambong halaman..