CAE ACEH PILEH PEUMIMPIN YANG NA JAMA'AH SUBOH

PANTOEN - CAE ACEH PILEH PEUMIMPIN YANG NA JAMA'AH SUBOH

Siyok bak mulieng,ta ngieng bak jaloh

Sigra peu beudoh,tumpang tanyoe bôh

Saleum bek ciwieng,keu-ieng bek roboh

Angen peu deh_doh,saleum sigoe trôh

Patah uram drien,ka teu jhing boh_boh

Katan le kokoh,meuwap ka rapôh

Kajeut ta jemping,lam kesing reuloh

Baksang kajeut ploh,asoe lam ratôh

Ji meusu k'rang k'ring,ka tangieng pat toh

Meujan_jan saboh, p'ep_p'ep pih kirôh

Ureung peugot hing,boh mieng ji beudoh

Meujan ka keuboh,ateuh pha halôh

Beoh ka eo hakim,kon trieng kon jaloh

Makeusud ta ploh,bukon keu riyôh

Keu bhah pemimpin,yang halim kokoh

Bacut ta teu-oh,wahe syara beoh

Pileh pemimpin,ta ngieng beugot jroh

Beu-o beu jiboh,keudeh dalam brôh

Pileh pemimpin,ta ngieng yang beudoh

Jama'ah suboh,peu keuh kayem trôh

Meunyoe pemimpin,kuwien 'oh suboh

Kiban ji beudoh,rakyat beu patôh

Jeumot pemimpin,rakyat teuntee jroh

Saban meu beudoh,peungikot tanggôh

Mubek tanyoe ngieng,pemimpin reuloh

Bek mada jiboh,keu on seureutôh

Bek ban meugilieng,si-ôn teugantoh

Ka tajak deh_doh,tahing bineh brôh

Pileh pemimpin,nyang yakin beudoh

Jama'ah suboh,na keuh kayem trôh

Nibak taposting,keu-ieng rap keuboh

Meu'ah syara jroh,'Oh noe lon kayôh

CATATAN:

Meunyoe jama'ah suboh kana ureung nyan dilikot imum...ka teuntee bak sembahyang laen cit ka biasa keu na.