PANTOEN - CAEE ACEH KISAH YATIM MASA CUT
Oleh : BAKAT MALAKA
sijuk meuleumpah didalam asoe
lepah that sedeh aneuk hana yah
han pat le peugah jajan di yubloe
oh teuka rindu hate sang beukah
bak kubu bagah keudeh di jak moe
sinan meungadu keluh ngon kesah
bak ule ayah ji duk kap jaroe
sambil di marit bak ming ka basah
pakon e ayah neutinggai kamoe
pukeuh lon batat wate neupeugah
sabe haba yah hana lon deungoe
jet awai neujak ulon neukeubah
cut cut meuleumpah ulon ngon adoe
tinggai ngon poma lam susah payah
kira nafakah jino hana soe
oh hawa susu dengon ie mirah
bak soe lon peugah hy ayah jinoe
lon yu blo bak mak hana peng lam tah
ie puteh lam glah geu jok keu lon nyoe
oh han ulon tung muka geuh mirah
bak lon geupeu saba aneuk droe
jino kajet nyo tajep keu ie grah
sebab tan ayah neuk hana soe bloe
tetap ulon cok dak hana iklah
tingat keu ayah lon seuk lam sagoe
dile kon seunang hantom lon susah
pu yg lon peugah mandum neupuwoe
leuh ji meungadu ka jiboet langkah
lam hate pasrah urumoh jiwoe
ji peluk poma ju bagah bagah
jilake meah di com nibak dhoe
han lon seumaluen poma meutuwah
lon tupu ayah hana le geuwoe
han lon lake le susu ie mirah
dak bu tan kuwah mak beuot keunoe
kajet meumada lage nyoe kisah
saleum ukhuwah keusoe yg deungoe
lon lake izin bek neunging siblah
meupat na salah tulong peurunoe