♡♡♡meunyo lam HATE ka LAHE cinta♡♡♡
Meuyo lam HATE ka LAHE cinta
Rindu Jiteuka Malam ngon Uroe
Bayang meu UKE SABE di mata
Teu bawa2 trok dalam lumpoe
Meunyo lam HATE ka LAHE cinta
Mandum perkara hana tanyoe yo
Beuthat di peu CRE SUWE di puta
Tetap setia keu ureung sidroe..
Meunyo lam HATE ka LAHE cinta
Hana peu paksa mita geulantoe
Keubit han HASE WAHE saudara
Titik semula Bak soet lom meu woe
Meunyo lam HATE ka LAHE cinta
Hana jak peusa ureung jih nyan soe
Hana jak PIKE GANJE ngon beda
Hana jak kira laba ngon rugoe
Meunyo lam HATE ka LAHE cinta
Hana ceurita juoh deungon toe
Dak meulingkeu GLE meuLIWE rimba
peu laen kota peu laen nanggroe
Meunyo lam HATE ka LAHE cinta
Han meuceh raja beu inong putroe
Beda hanaLE FAKE ngon kaya
Siapa saja pih jeut keu lakoe
Meunyo lam HATE ka LAHE cinta
Pangkat keurija hana meuceh ho
Peukeuh jih TOKE KECE meugaya
Peu buruh gasa sukla ngon kuto
Meunyo lam HATE ka LAHE cinta
Pijuet ngon raya hana geu hiroe
Beuthat deuh LAHE TAMSE olala
Sang deuh dimata ban dian sastro
Meunyo lam HATE ka LAHE cinta
Yg Cupa2 mandum peu tuwo
Beuthat meuKUDE SARE ngon kista
Beuthat pih luka cacat bak asoe
Meunyo lam HATE ka LAHE cinta
Wajah ngon rupa hana teu pakoe
Beuthat pih bisu,rungu,ngon buta
Beuthat pih cidra dua blah jaroe
Meunyo lam HATE ka LAHE cinta
Oh noe meumada neusambong keudroe
Ci Balah CAE ci RAWE rika
Dalam komenta meubacut sapo