PANTOEN - CAEE ACEH MEUKA GALAK JAK LAKEI
Janji ngon adoe, kalon tepati...
Kaso ngon jati, ka lheuh ulon bloe...
Bak ayah poma, ka lheuh kabari...
Lon lamar dek ti, jeu lamei lon bloe...
Lon harab gata, wahe adek ti
Se nyuman tabri, bahgia adoe
Euncin ngon pawoen, tamah ngon mari
Bak tgki kazi, nikah ngon adoe
Saweub di tanyoe, hana pacari
Gata lon turi, baroe lhei uroe
Han jeut lam hukom, tanyoe pacari
Dosa ngon rabbi, si ngoeh oh dudoe
Saweub di ABU, hukom mengerti
Kitab bajuri, abeh lon rampoe
Nyan jeut lon pinang, gata hai dekti
Cinta ABU bri, keu gata adoe
Hana yang laen, di dalam hati
Walau pih tari, rumoh meu ligoe
Hana lon harab, keu ruman tari
Bah that si dek ti, jitem bloe moto
Tapih di ABU, han gantoe dekti
Ka lheuh mejanji, deu ngon mak adoe
Janji ka putoh, jeu lamei lon bri
Lon lamar dek ti, lon tung keu binoe
Si ngoeh lon yue ba, keu tanda jari
Gantoe meu turi, dua geu tanyoe
Meu nan lam hukom, geu yue le nabi
Galak keu dek ti, jeu lamei ta bloe
Bukon ta baba, sana ke mari
Jak pajoh ruti, ho laen ta bloe
Jak cok oh malam, jak ba peu nari
Jak tung oh pagi, seu poet jak puwoe
Nasehat ABU, keu gata dek ti
Yang meu nan bagi, ta tulak adoe
Bagah ta tulak, di gata dek ti
Alasan ta bri, meu macam bagoe
Meu nyoe ka galak, hai abang amri
Jeu lamei neu bri, bak ayah adoe
Neu ba ngon tanda, euncin bak jari
Neu ba ngon ruti, saka lhei kiloe
Nikah ngon adoe, oh ka troh janji
Bak tgku kazi, ka neu ba adoe
Nyoe ka lheu nikah, abang ngon dek ti
Ka dumpue lon bri, han suwah neu moe
Kiban yang galak, ulon ladani
Dum pue ulon bri, saweub keu lakoe
Tapih meu nyoe bang?? jak rayu dek ti
Model keu biri, hana loen pakoe
Sagai han lontem, nyoe meu nan bagi
Dosa ngon rabbi, ingat cut bang droe
Malei ngon ayah, si reu ta ummi
Ureung di caci, karata sagoe