NADHAM ACEH MAUIDAH PEU HARTA
saboeh lam bansi hai abi riwat teumuleeh
bacut loen rinteeh hai wareeh keu bhah hareuta
lam saboeh nanggroe lam rampoe bak rasul sideeh
kisah that jayeeh hai wareeh masa saydina
rahman bin auuf that lusoeh pantang meulanggeeh
dalam majeuleeh geu hadee bak saboeh faja
nabi seumeubeut meukeusuet surah ngoen habeeh
doerahman puteeh geusimak deungoen seuksama
nabi neusurah roeh lam bhah hareuta jayeeh
nabi kheun meudeeh yg gasien toe ngoen syiruga
limoeng reutoeh thoen lam kuroen watee seuliseeh
si fakir yg gleeh hai wareeh tamoeng syiruga
di abdurrahman masa nyan ureung teubai keeh
ka meunoe meudeeh hai areeh bak geukeumira
sahbat saidina that luba syuruga tindeeh
koen tamsee wareeh beeh habeeh peucroek hareuta
teuma oeh lheuh nyan kameunan kheundak yg sideeh（allaaah）
arrahman puteeh beudoeh lee laju beulanja
pah kebetulan watee nyan ban lheuh prang peudeeh
qurma meulapeeh hai wareeh hana meuhoe ba
beudoeh lah goetnyan oeh teuman geu boroeng habeeh
qureuma lileeh kuet habeeh beu pat pat nyang na
ka geureuncana mulia beu faki habeeh
bee na peng lam keeh beu lipeeh gasien geu damba
oeh ban ka rata mulia banduem peng ka beeh
rahman uuff wareeh ka habeeh jinoe ka papa
lam.tiba tiba troeh haba di yaman sideeh
soeluthan areeh that peudeeh teuka beuncana
di nanggroe yaman masa nyan keunoeng wabah pheeh
rakyat duem habeeh meukudee troeh bak bak muka
bagoe peunawa ka lanja boeh kurma lileeh
ubat ka saheeh lam tangkeeh tabib peuhaba
beudoeh soeluthan lee rijang geu tugoem habeeh
doe rahman lateeh hai wareeh han jadeeh papa
bee na broek kurma seulinya ka sigoe habeeh
geubayeue habeeh geulipat ngoen siploeh ganda
oeh noe meumada syehdara haba peuhabeeh
kisang yg jayeeh gleeh puteeh sahbat mulia
damba syiruga boeh harta sampoe an habeeh
tapi hai wareeh goeh liseeh allaah han ridha