PANTOEN - CAEE ACEH BEUNA SEMBAHYANG
Salam alaikum-mula phon tempat..
Ke mandum sahbat-dalam seramo..
Ta meu bi saluem-nabi khuen sunat..
Jaweub bak sahbat-neu jaweub jino..
Beudoh ta beudoh-wahe sahabat..
Beudoh ibadat-meu bekle lalo..
Lajue geutanyoe-mari meu rapat..
Tahadap kiblat-madum rakan dro..
Mari lah mari-tanyoe beu rangkat..
Allah yang Ahat-geutanyoe pujo..
Bekle meu laloe-rakan keu rabat..
Nibak buet bangsat-bekle tapako..
Ayok syedara-timu ngoen barat..
Beudoh jak sholat-tanyoe pujo po..
Hudep lam donya-cuma sit siat..
Gohlom telambat-bekle meu lalo..
Seu'golom kire-patuen boh langsat..
Beudoh jak taubat-aduen ngon ado..
Sembahyang limong-bena ta ingat..
Tujoeh blah raka'at-bek sagai tuwo..
Dosa yang rayek-ta tinggai sholat..
Siksa cukop brat-singoh nibak po..
Ata yang wajeb-tanyoe ibadat..
Bek ta peu lambat-seu'golom tawo..
Seu'golom geu'sut-roeh le malaikat..
Ingat hai sahabat-agam dan bino..
Wate ka saket tu'oet-meu tat tat..
Nyan ka terlambat-hudep di bumo..
Badan ka awoeh-sapue tan mangat..
Karoet seu'mangat-ka leumoh aso..
Tuha ngoen muda-di dalam riwat..
Mari lah taubat-wahe rakan dro..
Seu'golom tawoe-nanggroe akhirat
Seu'golom geulab-mata geutanyo..
Di nanggroe page-su'um cukop brat..
Matauroe teu lhat-sijengkai jaro..
Meunan umpama-kisah lam riwayat..
Seu bagoe ubat-sya-ee uloen nyo..
Akhe wasalam-sampoe loen ucap..
Peusan loen Intat-kenoe lam rampo..
Kadang na gasa-bareh lam radat
Kadang nasilap-karangan loen nyo..
Meuah loen pinta-nibak syahkubat..
Meuah beu that that-ke uloen sidro..