HABA PEU INGAT
Masa khalifah, abu bakari
Oh kaleuh wafeut , di rasulullah
Neumat peurintah, geunantoe nabi
Nibak si uroe, gobnyan meulangkah
Dengoen jamaah , bak ureung mati
Oh ban sare troek, ngoen cara ringkah
Seumanoe bagah , gafan ka bagi
Yoh nyan geupeutroen , akan jeunazah
Ubak leun rumah, le karong wali
Untuk geu pubuet, shalat jamaah
Uleh ta'ziah, sahabat nabi
Bak watee geudoeng , lam seuh jama'ah
Geu kalon leumah , nibak si mati
Gafan meugrak grak , geunta si leupah
Pareksa bagah , ngoen gundah hati
Oh geu peuriksa, geu kaloen leumah
Uleu hai sahbah, di dalam peti
Jigrueb bak takue, manyet syakuwah
Asoe ji rupah, darah ka meu ri
Yoh nyan sahabat, khalifatullah
lajue le bagah , uleu neuk ungki
Maka di uleu, ji cunggok bagah
Ucap syahadah , tuhan ku neu bri
Oh lheuh di ucap, kalimah syahdah
Ubak khalifah, meunoe ji kheun kri
Keupeu neupoh loen, wahai khalifah
Uloen tan salah , wahai habibi
Neu bangket uloen, keunoe le allah
Azeub yue ruah, keujih geuyoe bri
Mula-i jinoe , sampoe an sudah
han geubri kubah, oleh ilahi
Kareuna di jih , raya that salah
Disisi allah, tuhanku rabbi
Salah pertama, manyet syahkuwah
Ji deungoe kasah , azan berbunyi
Kadeuh di deungoe, seruan allah
Jipoeh beurakah , han di peudoli
Ubak jamaah , han ji meulangkah
Nyan seubab salah , azeub geuyue bri
Salah keu dua , manyet syahkuwah
masa lam hayah, fitrah han jibri
Salah yang keu lhee, yang that azimah
Disisi allah , tuhan ku rabbi
Tutoe ulama, watee geupeugah
di jih hai sahbah , han ji peudoli
Jitoep geuliyueng , ho laen langkah
Lom di peu fitnah , ngoen tutoe keuji
Adak ji pateh, ulama peugah
Han sit di serah, ija pupanji
Meunan di uleu , haba jipeugah
Ubak khalifah, abu bakari
Oh noe katamat, haba seujarah
Neucok neukeubah, pasoe lam hati
Supaya tanyoe, beu le lam tabah
Ta pujoe allah, malam ngoen hari
