LANGKAH RASEKI PEUTUMUN MAWOET
Oleh Abu Bineh Krueng
Gata kata woe, keu deh bak allah..
Ulon ta keu bah, ngon hate luka..
Aneuk na dua, yang gata kubah..
Manyak si leu pah, mantoeng balia..
Adak pih meu nan, doa bak allah..
Ateuh sa jadah, lon roe ie mata....
Aneuk lon horoe, yang gata keu bah..
Adak pih payah, uloen useuha...
Ka grak teu keu di, bri poe teu allah..
Kiban ta pabah, ka troeh bak masa..
Ie mata lon roe, hate sang beu kah..
Oeh lon nging wajah, ti joeh ie mata..
Sabe teu bayang, masa masa indah.
Bahgia leu pah, geu tanyoe dua...
Hana toem karu, ka meu lu indah.
Golom na sihah, ta peu goet dawa..
Meah dosa lon, adoe meu tuwah..
Dak na dube drah, bek ta peu dosa..
Meu nan sit dilon, adoe meu tuwah...
Han lon peu salah, dosa adinda...
Kaseb keuh oh noe, dilei lon peu gah..
Hai rakan sabah, hate lam duka...
Tacok keuh conto, hai rakan sabah...
Beu jeut ukhuwah, lam rumoh tangga..