MAULID NABI S.A.W
salamun salam salam ya akhi
saleum uloen bri dueson ngon kuta
neu seuoet saleum langgeum hai ummi
singoh jannati geubi fahala
Alhamdulillah , lon Pujoe Rabbi
Yang Maha Suci , Azawaljalla
Seulaweut Saleum , Akan Rasuli
Pang ule Nabi, Saidil Ambiya
Salam a`laikom ,Saleum u lon bri
Ayah ngon ummi, Duson ngon Kota
Samboet saleum lon , yang suson rawi
Keu Maulid Nabi, hajat lon rika
Rabi`ul Awal, dua blah hari
Laheran Nabi ,Rasul Mustafa
Lahe Muhammad ,Pang ule Nabi
Peurintah Rabbi , Risalah yue ba
Nibak uroenyan , tanyoe peuringati
Maulidin Nabi, nama geupeunan
Rayeuk faedah , soe yang khanduri
Syufaat geubri ,uroe komdian
Neubuka Tarekh , neukalon dali
Ulama Sufi , yang peugah meunan
Meunan neupeugah, di ibnu Zauri
Neuyue Khanduri , untuk janjongan
Blang Padang Masya , tutoeng han sakri
Liwa`ul Hamdi, payoeng janjongan
Yang kheun Seulaweut, keupada Nabi
Syufaat geubri, meulindoeng keunan
Cinta keu umat , kiban di Nabi
Syufaat geubri, wate di Mizan
Dalam Nuraka , umat geucari
Han geupeuduli, Nuraka Jahnam
Baca Seulaweut, deungon khanduri
Maulidin Nabi, Tapeuringatkan
Meulipat ganda ,fahla Tuhan bri
Fahla khanduri , Pang ule Alam
Yang kheun Bideu`ah , keu maulot Nabi
Dudoe Tuhan bri, Nuraka Jahnam
Seubab buet yang goet, tanyoe kerjai
Baca berjanji , untuk janjongan
Peugoet ceuramah, deungon khanduri
Bak maulot Nabi , Acara meunan
Ingat seujarah , takeunang Nabi
Syariat Suci, geuperjuangkan
Peugoet Akeulak , Budi pekerti
Deurajat tinggi , Agama Islam
Peu ek deurajat, keu kawoem ummi
Bek dizalimi , jeut beurang kaban
Oleh seubabnyan, Bandum umati
Keu Jasa Nabi, Wajeb takeunang
Baca Seulaweut, sabe tiep hari
Keupada Nabi, Ohlheuh seumbahnyang
Keu tanda cinta, umat keu Nabi
Tanyoe ikuti , yang yue janjongan
Tapubuet suroeh, peujeuoh keuji
Lage yue Nabi, tapubuet meunan
Meunan neu muphoem, lon keu Maulot Nabi
Neuci Hayati, pue beutoi meunan
Nibak ulama, Peusaheh Neuci
Lage lon kheun kri, kadang salahan