PANTOEN - CAEE ACEH MEULAWAK NGOEN RAKAN
Sigoeh na tower di aceh raya
Yoeh alam maya mantong lam kandong
Sigoeh na eungkoet santai lam raga
Ek ateuh honda jak wet wet gampoeng
Masa mantong cut Ahmad Sejahtra
Dak Polem Kuta mantong meu ie doeng
Yoeh mantong lugu dum aneuk Dara
Jeut saban masa jisoek ija kroeng
Yoeh golom gaul dum aneuk muda
Maboek meumada ngon jipiep bakong
Sabu extasi yoh nyan golom na
Yg saket jiwa mantong geupasoeng
Masa nyan aceh meugah uluwa
Troeh u meulaka nan sep di sanjong
Nanggroe waresan raja di Raja
Jinoe ka cupa adat ngon hukom
Biet han teupike hana soe sangka
Tanoeh pusaka lagei nyoe ujoeng
Dudoe ngon awai ji oeh meubeda
Tinggai teuk nama nyang mubei haroem
Lawet android meuraja lela
Mudi ngon muda kabeh dum sandrong
Pue na masalah troeh lam beuranda
Bak layeu kaca keunoe jisinthong
Na yg jibahah keu keluarga
Na yg meudo a watei meukabong
Na yg di tuleh keubhah asmara
Na yg keucewa hinoe di ranggong
Lagei si Taufik ngon putri Mayda
Keu conto nyata bek sang fhitnah long
Bah mangat takheun awak nyan mesra
Ji peuek gamba rab saboh albom
Keu conto barang nyan sang meumada
Laen lom teuma singoeh tasambong
Beu neupeumeu ah nyoe salah kata
Adak merasa yg bek teusinggong