Pantoen - Caee Aceh Meurah Meurindu
Putik lam karang hiasan meulu
Suloeh peurindu ban angan jeumpa
Seuleumah bayang bak karang leuhu
Seunambat rindu putro mahkuta
Mawö hiasan lam taman ratu
Meujeurlah deuh hu buleun meucahya
Bak ujoeng bintang lam awan biru
Pandangan tunu seuteuntang mata
Izin po kumbang bak malam syahdu
Meu mano susu tuboeh dahaga
Izin po taulan meureugam madu
Lam ikat nafsu meuteume rasa
Lam saboh tilam bantayan seulu
Bak saboh bangku meujandreng dua
Bak peulaminan sinan meunyatu
Ngon jaro teungku meuseurah haba