Pantoen - Caee Aceh RAHSIA MATÈ
Assalamu 'alaikum bandum sahabat
Umat Muhammad raya ngön ubeut
Na bacut lön ba haluwa leukat
MB hana brat ka lôn peukinyut
Rahsia maté lôn sambé intat
Sajan sahabat nama Apa Cut
Bunoë lontuan undangan geulhat
Ulôn geupakat join meukeusud
Hantöm lôn cuba nyang kaka liwat
Bék hana mangat lôn cuba jurut
Barô kali phôn ulôn ci takat
Haba peu-ingat keu suai "maut"
Adak irama hana löm teupat
Tapi manfa'at sinoë na bacut
Hana ta tujan pajan katamat
Trôh jan beurangkat tatunda hanjeut
Hudép lam donya cuma sikeujap
Beukai peusiap tahadap ma'bud
Kaleuh meutuléh sidéh lam surat
Kana meucatat nibak laumahfudz
Hareuta beunda nyang ta peusapat
Hanjeut keu ubat wateè ka sukreut
Hana seureuta taba lam jeurat
Adak kaya that göp laén sukut
Mumada óh noë rampoë maklumat
Bukön keuh sahbat ulôn seumeubeut
Tanyoë seusama kada peu ingat
Teulanjô silap hamba poë sifeut
Jak kuta gunöng tamong u barat
Na kantô camat sinan simpang peut
Deungôn wassalam malam ka teulat
Bak lôn seumurat ka meuri teungeut