PEMENANG SAYEMBARA PANTOEN - CAE ACEH MENYAMBUT MAULID NABI MUHAMMAD S.A.W TAHUN 2018
PEMENANG SAYEMBARA PANTOEN - CAE ACEH
- JUARA II
JAHE THAT JAHELIAH SEUGOLOM NA RASULULLAH SAW
Lon peuhah LIPAT, HOREUMAT HABEHItam ngon PUTEH, rayeok ngoen UBEUT
Saleum dile THAT, HUJHAT SILAPEH
Seu gohlom BAREH, panyang meu jeu_EUET
ta syuko"e LEUGAT, MEUHAT TASAPEH
keu dzat PEUNGASEH yg sifheuet WUJUD
ta Pujo QUDDRAT, phon THAT beu MEUCEH
Tanyoe ee WAREH, hamba geu PEUJEUET
lam Laot BARAT, BAKAT meu BUWEH
Langet cukop GLEH, ceudah 'oh ta BLEUT
Sereng TAPEURAB, beu BRAT ta SAPEH
Akan GEUNASEH, ta kheun SEULAWEUET
Adak sibok THAT, TAMEUKAT KUWEH
Dak tingoh TA-EH, ban jaga TEUNGEUT
harap SYUFA'AT KIAMAT PEUDEH
lam uroe SIDEH, reului ngon SAYEUEP
Meukru SEUMANGAT, RAHMAT MEUTINDEH
Keunoe ngon KEUDEH, lon tre MEUJURUET
Kisah ka LEWAT, sep KLAT oh ta PEH
masa UROE JEH, tadeungoe HAYUET
Peukateun BEUJAT, BANGSAT MEULANGGEH
Jitem peu HABEH, ureung ji SINUEUT
Akai dum SEUSAT, ADAB koep LIPEH
Jahe ngoen JAYEH, Agam sep JEUHEUET
Mabok JIKARAT, HEBAT THAT KEUDEH
Inoeng NJANG GADEH, ji poh kon BACUET
Badan di IKAT, URAT di CUREH
beusoe di TINDEH nyawoeng di neuk SUET
Gadoh MEURTABAT, BANGSAT DI SAPEH
binoe dum HABEH, tan yum si PALEUET
Jahe MURAKAP, LAKAP MEUTULEH
Sayang ka HABEH , meupaloe SIFHEUET
Sare ji TAKAT, ngon BABAT LINGGEH
Beda PEUREUSEH, binatang yg KLEUET
Yg keunong SEUTRAP, meu TAT- TAT GATEH
Udep geu PEU Eh, uruek SEUMIYUP
Meunyoe TARIWAT, HIKAYAT KEUDEH
Jadeh sang PUTEH, mata teuh SEUMBREUET
Kakeuh ta LUMPAT, LEUGAT TALUKEH
Ta peuseuk KEUDEH, geulantoe ta BEUT
Taplah bak LANGSAT, beu TEUPAT GAREH
Nyoe sirong aleh, ka teuntee TIRUT
Kheundak HADZARAT, NJANG THAT PEUNGASEH
Dinanggroe QUREH karonya MA'BUD
Soe keuh ee SAHBAT, LEUGAT ta IE REH
Nyankeuh PEUWAREH, nyang allah SEUBUT
Nabi MUHAMMAD, RAHMAD MEULAPEH
suci ban ie GLEH, lahe neuh TEUCRUP
Ceudah MEUKILAT, MEUKEUMAT PUTEH
Peungeuh lam BINTEH, cahaya lam RUB
Haroem IBARAT, H'AN PAT PEUREUSEH
Wangi BEUREUTEH, adak jeut ta PUEP
Hana SEUKEUJAP, SEUREUKAP TAPEH
keuno ngon KEUDEEH, Peujroh E'TIKEUET
Sayang keu UMMAT, SEUMANGAT ABEH
Duka ngon SEUDEH, Geutanggong JAWEUEB
Leumah sang KILAT, LEUGAT MEULAPEH
Lam MEGA PUTEH, cahya MEUSADEUEP
Bak watei SIAT, MEU RAT TEU EH-EH
Patong MEUTINDEH , trap trup dum TEULHEUEP
Teukeudi rabbat, QUDRAT njang 'AREH
Tam'eh nyoe ngon JEH, lagee ureung BEUET
Geu tapueng GEUMAT, geu KARAT KEUDEH
Keulileng HABEH, tujoh goe TIYEUEP
Sira GEUKASAT , SIRAT bak TAMBEH
Kalimah Sep GLEH, nyakni SEULAWEUET
Nyan keuh ee SAHBAT, njang that SEUMATEH
Sidroe GEUNASEH,nyang ALLAH peujeut
ikhtiyeu LEUGAT, BEK THAT PEUJAYEH
wajeb TAPATEH, pu njang geu MA'SUD
Dalam RIWAYAT, KOP BRAT TEUGAREH
Hate neuh sep GLEH, tamah ngon LEUMBUT
etno keuh RIWAT, lon KARAT RINTEH
lon cuba SAPEH, bah pih kureung JEUET
Neu maklum beu BRAT, GAWAT lon TULEH
Maklum ee WAREH, ulon mantong CUT
Umu mantong KLAT, goh teupat BAREH
Mantong BRAT LIPEH, 'ileumee REUKE'UT
Meumada AKHWAT, TAMAT KA HABEH
Meu'ah beu ABEH, pat njang tan SANTEUT
Nomor Peserta: 0020
Nama Akun fb : Imelda Azzihra Idi
Nama Asli : AKMAL HAYATI
Alamat : Idi Rayek ACEH TIMUR
