PEMENANG SAYEMBARA PANTOEN - CAE ACEH MENYAMBUT MAULID NABI MUHAMMAD S.A.W TAHUN 2018
PEMENANG SAYEMBARA PANTOEN - CAE ACEH
- JUARA IV
TA IKÖÈT SYARIAT NABI
Salam'alaiköm, taglöèng hikèumatNgöèn kru sèumangat, mula phöèn rintèh
Ilahöèn rabböèn, sèunanjöèng lèugat
Syuköè tiėp sa'ah, bèuna ta tindèh
Salèum sèunamböèng, bak utöèm mèuhat
Akan muhammad, nabi gèunasèh
Lhèh nyan mèusamböèng, sigöè tröèn tingkat
Kèu al sahabat, nyang ka nèu pilèh
Takzèm dileë phöèn, ampöèn lam radat
Gureè hikayat, nyang pèupah barèh
Nyang ka nèu pèutröèn, sèunèusöèn ikat
Pakiban ilat, cara tèumulèh
Lhèh nyan hai ampöèn, löèn glöèng bèu tèupat
Pèumangku adat, hormat löèn tindèh
Nyang ka gèu himpöèn, gèuröèn bèu sapat
Banduèm gèu pakat, janda ngöèn gadèh
Siat ulöèn tröèn, lam nèu rhöèng bakat
Löèn ci pèurasat, pèu tèupat gatèh
Bak nyang mèu himpöèn, kaöèm ba radat
Gèu iköet pakat, caè gèu tulèh
Tanggai ka mèuglöèng, kaöm ngöèn sahbat
Lahee muhammad, rasul tèu pilèh
Nyang nèuba huköèm, bèk mèuröèn sèsat
Sampöè martabat, mèubèk jèut jayèh
Qur'an nèu pèutröèn, mèu susöèn ayat
Ngöèn tulöèng ummat, bak nyang mèu langgèh
Mèu macam huköèm, tèulasöèn tèupat
Hana nyang silap, mèutuka barèh
Syaria't kèu phöèn, bèu mèuphöèm ilat
Hadis nèu riwat, dudöè nèu tindèh
Mèu bèk salah cöèm, huköèm bèk lèt-lap
Bèu mèuri bangsat, ka dèungön arèh
Mèu bèk bak patöèng, untöèng mèu hajat
Bèk ciët hai sahbat, bak urèung palèh
Tapi bak rabböèn, yu tulöèng lèugat
Kèunan munajat, bèu tatèum sapèh
Bak apui tutöèng, kaöi bèk ta lhat
Bak utöèm coklat, bèk tatièk kuèh
Bèk cièt bak duköèn, untöèng tapèukrap
Harap mujarab, do'a pèungasèh
Syarat ngöèn ruköèn, tèulhöèng sèup tèupat
Pöè rabböèn izat, wajèb ta patèh
Bèu mèuri juröèng, tampöèng ngöèn tungkat
Bèu mèuri adab, dèungòn sèumatèh
Lagèë khèun rabböèn, huköèm gèu intat
Nèu pèudèuh kiblat, bèk salah pilèh
Rahmat ngöèn ampöèn, bèu mèuphöèm kasat
Mèunan hai sahbat, wajèb tapatèh
Rata jèut gampöèng, gèù usöèng ayat
Ban nyang khèun izzat, nabi yu pilèh
Bèk lè mèu kaböèng, lam nèu rhöèng sesat
Jioh ngöèn rahmat, nyöè bièt ta sapèh
Akhlak nyang siröèng, ta sinthöèng lèugat
Bèk lè pèurasat, ta singklèt gatèh
Bèudöèh rakan löèn, lansöèng ta cupat
Bak buèt nyang bansat, bèk lè tasapèh
Tan guna dalöèng, ta hayöèn ngöèn brat
Nyang tajak intat, nibak majèulèh ( Majlis )
Rugöè tasuöèn, sèunèuröèn pukat
Nyang khèun syariat, han tatèm patèh
Nomor Peserta: 0036
Nama Akun fb : Faxriel Faiz Azkalz
Nama Asli : FAISAL
Alamat : GEUDONG PASE ACEH UTARA
