JAK TAPEU RAMEE SAYEMBARA DALAM RANGKA MENYAMBUT MAULID NABI MUHAMMAD S.A.W
Oleh: Faxriel Faiz Azkalz
Bek salah tacang, karang tadireue
Bek jeut meusiseue, watee geusidek
Bek jampang jampang, tareupang sinteue
Asoe lam layeue, lagee ek itek
Bek salah tapham, rakan tabiyeue
Bek lakee bayeue, nyang ka tapeu ek
Bek ciet meu lawan, pawang uet aleue
Bek deungoen bileue, tapakat tarek
Bek galak karang, wayang bhah dajeue
Bek ciet lam luweue, bahan ta reutek
Bek galak lawan, hai bang ngoen keubeue
Bek ciet nyang sareue, tapakat peutek
Bek galak kuran, aturan dikeue
Bek galak peukeue, sabee lam parek
Bek salah pasang, labang bak pageue
Bek galak sinteue, peukateun burek
Jak ta keumarang, beutimang buhue
Bek meuka ciceue, ta bahue lirek
Jak ta meu rakan, hai bang tasaweue
Jak ta meueu-eu, keunoe lam bilek
Jak ta meugawang, ta meucang bek preue
Jak ta meu geue geue, aduen ngoen adek
Jak ta meu rantam, taprang ngoen dajeue
Jak ta i'khtiyeue, cae tapeu ek
Jak ta peugarang, hai kumbang pageue
Jak ta meulayeue, kumuen ngoen pak cek
Jak ta meu reugam, bek leukang jeut pheue
Keu neubah nek tu, bek keuh ta reulek
Beudoeh hai rakan, kubang ta peudeue
Beu lagee aleue, teupat meu tarek
Beudoeh fans karang, beurijang lajue
Bek le meusadeue, nibak bak peutek
Ta peu seumarak, kompak o'h goep eue
Pakhoek ngoen buhue, beupah ta seutek
Ta peu seurentak, beu ramphak ukheue
Bek ek goep lingkeue, adat hai macek
Ta peugoet surak, meuguyak heue heue
Likoet ngoen ukeue, saban ta kek kek
Ta peugoet curak, bek phak meusiseue
Bek bagah jeut pheue, goep ngieng meu asek...