Panton - Cae Aceh Asai Iblis(SYAITHAN)
Oleh: UH-AL
Jaroe dua blah uloen beot sigra
Kepada abi ummi Ngoen ayah.
Cutda Ngoen bang syah Mandum saudara.
Haba keu iblih jinoe loen kisah.
Neu dingoe beupah bek salah sangka.
Mandum ta teupue chiet laknatullah.
Chiet haram jadah iblih durjana.
Chiet asoe apui sue um Ngoen mirah.
Wahee ee ayah dalam nuraka.
Teuma ulangi kaji masalah.
Pat keuh Meutuah iblih phoen mula??.
Bak saboh Watee murka di allah.
Keu makhluk rabbah di dalam doenya.
Teuma neu peujeut laen di allah.
Kawoem yang pantah dari nuraka.
Lagee binatang rupa hay sahbah.
Mandum kawoem sah dalam nuraka.
Teuma meujudoe hewan Meutuah.
Inan chiet Ayah dalam nuraka.
Meuka treb Watee masa ka leupah.
Teukeudie allah AZAZIL teuma.
Lahe di Aneuk ka nibak pandrah.
Hasee menikah dalam nuraka.
Oh ban ka lahe teukeudi allah.
Neu coek neu pinah di dalam doenya.
Azazil rayeuk meuleumpah ceudah.
Taat that leupah pujoe rabbana.
Geunap sribee thon dijih ibadah.
Teuma lee allah neubrie kuasa.
Neu ba ulanget bak phoen neukubah.
Inan ibadah leubeh loem teuga.
Singkat ceurita lajue ta peugah.
Hingga Meutuah pangkat that raya.
dum malaikat peuneujet allah.
Geuyue peurintah nibak durjana.
Hingga troeh Watee peujeut khalifah.
Meukusuet allah adam Ngoen hawa.
Han di tem sujud silaknatullah
Wahee meutuah lajue di goega.
Han loen tem sujued Wahee ya allah.
Uloeb that meugah hayeu loem rupa.
Han sabe tingkat apui Ngoen tanah.
Beda maruah pane seutara.
Lajue neu usee ganje that leupah
iblis meutuah allah geumurka.
Seubab di teuntang keu amarullah.
Wahee Meutuah meunan calitra.
Beuejut keu ubat ummi Ngoen ayah
Ka nibak kisah neucoek peulaja.
Mubek ta pubuet yang larang allah.
Takoet Meutuah bungeh yAng esa.
Seubab geutanyoe Mandum khalifah.
Fireuman allah meunan syedara.
Dalam alquran bak allbaqarah.
Teuma keu ayah(t) uloen ka lupa
Komentar dalam Facebook:
A2
'alaikum salam saleum lon balah
Tanda meutuah habeh lon baca
Asoe lam rika lam cae kisah
jeut keu mau'idhah hudep lam donya
Bacut lon sambông peupanyang surah
Ahli ibadah azazil nama
Sabee jipubut tha'at keu Allah
Watee meutuah sabee lam taqwa
Cuma han jitem sujud nyan sa'ah
Seubab kön Allah adam nyan hamba
Dausa jih cuma melawan Allah
Lawan perintah dipateh hana
Teuma geutanyoe lam bumoe Allah
Meutamah-tamah ladoem lam dausa
Ladoen han geutem pubut ibadah
Han geutem seumbah akan Ta'ala
Sangkira tanyöe lagee geu kisah
Didalam madah teungku Ubayya
Peuna keuh siap geulaknat Allah
Nastaghfirullah cukop ceulaka
UH-AL
trimong geunaseh loen lapeh ulah
keu aduen gagah mutawaasila
ka neu tem tamah peupanyang surah
ka jeut mau'idhah kamoe peumbaca
sang kira tanyoe lage loen kisah
maken meutamah kufoe lam dada
saweub jeut muenan dilei peuneugah
guree di dayah meunoe calitra
teu ingat uloen geukheun lam surah
murid meutuah dingoe beu sigra
geutanyoe hudep lam bumoe allah
hanjeut si sa'ah ta pubuet murka
contoh uloen bri abi meukisah
ta pajoe allah bak watei saja
watei yang khusus hanjeut na leupah
hana chiet sahbah leupah trep masa
miseu umpama ta pujoe allah
seumbahyang sahbah bak watei isya
dalam seumbahyang teubayang bagah
keu dek rabumah aneuk Pujangga
dalam seumbahyang dumpeu jeut leumah
bukoen fiteunah jeut eu kutika
meunan chit laen lazem dum salah
bak pujoe allah ibadah gata
yang jeut keu hireun abi kheun teuma
bak laen masa pakoen han leumah
watei ta duek duek deungoen syedara
bak peugah haba sidang meucakra
hana teu ingat keu poe teuh allah
pakoen han gundah amai teuh hana
pakoen jeut meunan hate teuh sahbah
neu pike bagah yoeh goeh ta bungka
NB:watei seumbahyang dum ta hayal,namun watei koen seumbahyang han tingat teuh keu poe,,
etnan tingkat teuh ka