Cae Aceh Haraf 8 Cewek Janda
Oleh: Hendra Underline
Kurueng mesra na aneuk mit
Meucewek ngoen aneuk dara
Geutanyoe jra tatheun cutit
Taduek jomblo pih seungsara
Malam jula han peu keumit
Pulom ujuen nyo keunong sa
Jaroe lam pha oeh meukhip khip
Peurumoh gob yang bek coba
Keunong nuga bak bang majid
Kadang parang geu geulawa
Mate dosa koen lam syahid
Bek meucewek beu ek saba
Na beulanja langsong gatib
Neu turoet keuh abang hendra
Suboh asa lam meuseujid
Nyoe na neu eu dalam gamba
Aneuk dara uloen gapit
Ban mandum nyan rekayasa
Ngoen kamera uloen edit
Bek peungaroh ngoen berita
Donya maya paloe keubit
Broeh broeh putoh dum jiputa
Ci pareksa pane terbit
Meunyoe unsur terpercaya
Ka lumboi sa pusat orbit
Nyan baroe juet roneuh dakwa
Loen tersangka urueng maksit
Bek na fitnah ta meuhaba
Rayeuk dosa bak lam layid
Wate mate geutanyo jra
Lam nuraka sang geu hapit