CAE ACEH LAHE NABI MUHAMMAD S.A.W
OLEH: LISA ULFAAssalamu'alaikom warah matullah
Jaroe dua blah lon beu'ot manyang
Bacut lon tuleh rinteh lon kisah
Betoi ngon salah sigra neupeutrang
Awai mula phon dengon bismillah
Bacut lon kisah saboh keunarang
pertama phon phon kisah abdullah
Dengon aminah nibak masanyan
Masa pih katroh, umu abdullah
Kajeut meunikah geubri dampengan
Ka dua ploh pheut badan pih gagah
Teuma abdullah ganteng that ruman
abdul muthaleb Nyan sidroe ayah
Pileh aminah geuba lamaran
nyan binti wahab bin abdil manaf
Judo abdullah keu aneuk sayang
sidroe wanita cantek ngon indah
tehormat leupah cukop di seugan
teuma di umu siti aminah
Dengon abdullah meubeda pih han
Keu mudian oleh abdullah
Dua ngon ayah geujak ju reujang
Geujak meurumpok wahab bagah
Siti aminah sigra geulamar
teutapih ladom na cit dipeugah
Dalam seujarah lam peunulisan
Abdul muthaleb dengon abdullah
Awai geulangkah rumpok ngon paman/ uhyab
Meunurot crita siti aminah
Hana le ayah awai meuninggal
Maka geu'asuh siti aminah
nuroet peuneugah geucok le paman
Teuma oh dudoe lanjut meunikah
oleh abdullah nibak masanyan
meunurot reusam di yoh nyan sa'ah
Adat di mekkah arab di zaman
Nibak sa'at nyan oleh abddullah
oh lheuh meunikah hanjeut wo reujang
Lhee uroe geuduk rumoh aminah
peuganten Ceudah hanjeut le riwang
ban na lhe uroe dudoe geupinah
Rumoh abddulah di sinan tinggal
tapih hana treb Sajan aminah
Karna abdullah lanjut kerjaan
oleh karna nyan teuma abdullah
Dengon kafilah geujak meudagang
geutinggai gampong di nanggroe mekkah
Dudoe geulangkah keudeh nanggroe syam
Karena geujak oleh abdullah
Ji'oh silepah dalam pejalan
rata jeut kota suwah geusinggah
Meujan abdullah bak roet meumalam
Teuma meurasa hate aminah
meuri geulisah dengon pikiran
Karna teuingat sidroe abdullah
masa geulangkah di rumoh yoh nyan
Uroe keu uroe sibuleun pisah
siti aminah teungoh ngandongan
siti aminah hawa that leupah
Neubri abdullah saboh khabaran
Kareuna ji'oh hantroh geupeugah
teuma aminah kakeuh mendiam
geupreh dang geuwo nibak aminah
Saboh sa'ah pasti geuriwang
Teuma oh lheuhnyan oleh abdullah
Geuwoe umekkah dengon rombongan
Teuma seugoh troh unanggroe mekkah
oleh abdullah piyoh siat sinan
Nibak saudara ibu abdullah
Di yatsrib singgah nibak watenyan
Meukarna ka hek oleh abdullah
Hingga ka leumah kasaket sinan
Hingga oh dudoe, woe ju kafilah
Keudeuh umekkah oleh rombongan
teuma troh haba nibak aminah
Khabar abdulah saket di getnyan
Ureung meu haba putroh jak peugah
Oleh kafilah saboh rombongan
Nibak muthaleb dengon aminah
sideh abdullah saket le gobnyan
Dudoe nibaknyan siti aminah
Laju peurintah aneuk sulung keunan
Ka nibak harith laju yu langkah
Kalon abdullah sudeh pakiban
Meunyoe kapuleh oleh abdullah
Puwoe umekkah laju le reujang
Sare troh harith keunan madinah
nyata abdullah meuka meuninggal
dudoe geumakam sinan abdullah
Kehendak allah Katroh panggelan
Dudoe di harith geuwoe umekkah
Ngon hate tabah geuba dukaan
Abdul muthaleb dengon aminah
Hate nyum bicah sedih bukon ban
Karna geuharap oleh aminah
Cuma abdullah sidroe harapan
Bacut tapuwoe ta ulang kisah
Masa aminah certa meungandongan
Ketika bak phon ngandong aminah
Keukaseh allah ya muhammadan
Bak buleun rajab meunurot kisah
Oleh aminah lam keuhamilan
Niban si malam geu'eh aminah
lage sang leumah sidro nyan datang
Ureung nyan lagak elok that wajah
Wangi silempah meucahaya trang
Dia berkata, nibak aminah
Dengon trang jeulah wate nyan malam
Ya marhaban bika ya muhammadan
Seulamat datang untuk gata wahai muhammad
Dudo geutanyong oleh aminah
Meusoe keuh di kah ureung marit nyan
geujaweub ulon adam aminah
Ulon keuh ayah manusiyaan
Meupeu keuh perle tanyong aminah?
Ulon neupeugah khabar gembiraan
Bahagiya lah wahai aminah
Lam kandong aminah sayyidil Basar
Buleun keu dua meunan cit kisah
Troh bak aminah ban ureung agam
assalamu'ala' ya nabi yallah
Seu'ot aminah meusoe gatanyan
Ulon nyoe idris wahai aminah
Bacut lon curah saboh khabaran
Nyan gata kandong wahai aminah
Peumimpin ceudah nabiyir ro'iis nyan
bak buleun keupheut meunan cit kisah
Troh bak aminah ban ureung agam
Assalamua'ala' yahabi ballah
Keukaseh allah ulon bri salam
Teuma geutanyong oleh aminah
Meusoe oleh kah meusu di sinan
Nyoe ulon nyoe nuh wahai aminah
Bahagia lah hate beutenang
Beuna tateupeu wahai aminah
Keukaseh allah gata kandong nyan
Shohibun nashri wal futuh aminah
geunaseh allah ba keumenangan
Bak buleun limong meunan cit kisah
Troh bak aminah ban ureung agam
Assalamu'alaika ya shafwatallah
Sahbat allah geu titip salam
Teuma geutanyong oleh aminah
Meusoe keuh di kah meusu di sinan
Nyoe Ulon nyoe hud wahai aminah
Bacut neupeugah saboh habaran
Gata meungandong wahai aminah
Shohibusy syafa'ah fil yawmil masydud nyan
Peumilek syafa'at di uroe sudah
ureung nyan peuglah bagoe saksian/kiamat
Bak buleun keu nam meunan cit kisah
Troh bak aminah ban ureung agam
Assalamu'ala'ka ya rohmatallah
keukaseh allah keu gata salam
Teuma geutanyong oleh aminah
Meusoe tapeugah nyan meurit nyan
ibrohim alkholil wahai aminah
Meuci tapeugah perle peu datang
bahagia lah wahai aminah
Bacut lon peugah nyan lam kandongan
Nabiyil jalil nabi agong leupah
geunaseh allah pemimpim alam
bak buleun tujoh meunan cit kisah
Troh bak aminah ban ureung agam
Assalamu'alaika manikhtaarohullah
Nibak aminah geutip tip salam
Teuma geutanyong oleh aminah
Meuci tapeugah meusoe gata nyan
Nyoe ismail adz dzambih aminah
Nyan saboh sa'ah koh taku yoh nyan
Teuma peuperle seu'oet aminah
Bahagia lah aminah teunang
Nabiyil malih nibak aminah
Keu kaseh allah dalam kandongan
Bak buleun lapan meunan cit kisah
Troh bak aminah ban ureung agam
Assalamu'alaika ya khirotallah
pilehan allah geuja bi salam
Teuma geutanyong seu'oet aminah
Meuci tapeugah meusoe gata nyan
nyoe ulon nyoe wahai aminah
musa geupeugah lom putra imran
Teuma geutanyong oleh aminah
Meuci tapeugah peutra tujuan
haba geumbira bacut lon curah
Nibak aminah yunzalu alaihil Qur'an
Buleun sikureung sampoe aminah
Saboh meuneugah rabbil ul awal
teuka lom pih troh ubak aminah
Bagoe deuh leumah ban ureng agam
Assalamu'alaika ya rosulallah
nibak aminah geubri lom salam
Teuma geutanyong oleh aminah
Meuci tapeugah meusoe gata nyan
Laju geuseu'oet sare ju bagah
Ulon aminah isa putra maryam
teuma geukheun nibak aminah
Meunoe surah nibak wate nyan
Nabiyil mukarrom wa rasulil mu'adhom
Nabi yg muliakan dan rasul yg di agungkan
Buleun sikureung teuma aminah
katoe silempah karab laheran
Meumacam bagoe troh anugerah
Geubi le allah nibak masanyan
Meumacan dum troh nibak aminah
Geubri rahmah uroe ngon malam
Mula tanggai sa malam nyan indah
Sampoe troh sa'ah 12 rabbil ul awal
Nibak malak keu sa allah peulimpah
Bri keu aminah damain ngon tentram
hinggai teurasa oleh aminah
Senang silempah jiwa ngon badan
malam keudua senang aminah
Saboh anugrah bak allah teurang
Malam nyan keu lhei teudengon nyan shah
Wahai aminah katoe meulahiran
Akan talahe nabi nyan ceudah
Nyang agong leupah mulia han ban
Nabi muhammad ya rasulullah
Syukur keu allah di keumudian
Malam nyan keupeut oleh aminah
Hayeu silempah meubago ragam
Para malaikat tasbih keu allah
Nyata dum leumah nibak watenyan
Malam keulimong sayydah aminah
lumpoe indah nibak nyan malam
Lumpoe ibrohim ya nabi allah
Rasa aminah hate geuh seunang
Bak Malam keu nam saydah aminah
Teuka deuh leumah cahya muhammadan
Cahaya punoh peungeh jeureulah
Cukop that indah ban punoh alam
Malam keutujoh sayydah aminah
Teuka dum leumah malaikat datang
Meugantoe gantoe troh bak aminah
Khabar geupeugah damai bahgian
malam keu lapan su bak aminah
Nyata that jeulah meusue nyan azzan
Wahai penghuni beubahgia lah
Keukaseh allah rab meulaheran
Rahmat seumaken geubi le allah
nibak aminah ngon kaseh sayang
Rasa tan saket seudeh ngon susah
Jiwa aminah teurasa nyaman
Malam keusiploh deuh bak aminah
Geukalon tanah tho'if mina nyan
Rasa gembira geukalon leumah
Lahe rasullullah ya muhammadan
Teuma oh dudoe bak malam siblah
Oleh aminah Wate geupandang
Penghuni langet bumoe meutuah
Seunang meulempah nabi laheran
Bak detek detek lahe rasullullah
wate yoh nyan pah, 12 rabbil ul awal
teuma oh dudoe bak malam wablah
Langet pih cerah peungeh cukop trang
Abdul muthaleb kakek rasullullah
Sideh di ka'bah nibak wate nyan
Teungoh munajat ka nibak allah
Teuma aminah sidro geutinggal
Sidroe di rumoh sayydah aminah
Sidroe geukeubah ureung laen tan
Lam tiba tiba deh bak aminah
Tiyang ka teuplah lam rumoh nyoh nyan
Pheut droe nyan inong teubit bak teuhah
Cantek silempah cahya peungeh trang
Maseng jeulita anggun that indah
Harom silempah saboh ruangan
Teuma inong phon sigra di langkah
Nibak aminah keunan di datang
Dudoe ju di kheun nibak aminah
Beubahgia lah rab meulaheran
Akan talahe geunaseh allah
Wahai aminah sidro janjongan
Nabi nyang agong pilehan allah
ya muhammad lah panghule alam
Beuna taturi wahai aminah
Istri nabi allah adam a'laiwassalam
ibu manusia lam bumoe allah
Lon geupeurintah siat yu teman
Teuma keudua dudoe geulangkah
Nubak aminah geupeurab reujang
Ulon nyoe istri nabi ibrahim yaullah
Tuhan peurintah yu peungon reujang
Teuma nyang keu lhei keunan geulangkah
Ulon asiyah bin muzahim nan
Geuyu jak peungon gata aminah
Perintah allah kamoe troh datang
Dudoe nyan keu pheut keunan geulangkah
Nibak aminah geupeurab reujang
Ulon nyoe maryam wahai aminah
Perintah allah sambot lahiran
geuyu jak samboet lahe rasulallah
hate aminah bahgia seunang
teuka dum klompok nyata deuh leumah
Puji keu allah bahasa meumacam
Detik si detik sayydah aminah
Leumah ka teuhah bubong rumoh nyan
bintang angkasa meumacam leumah
Cukop that indah cahya geumilang
Detek keu detek teuka bak allah
Tuhan peurintah malaikat ridwan
Dum bidadari yu dandan ceudah
Pakaian indah pake peuhiasan
Beumeubei harom meunan perintah
Meumacam hiyah/s permata intan
Dum bidadari rumeh dum waja
Geuyu le allah peutron u alam
Dudo lom jibril geuhoi le allah
yu seuru arwah yudong barisan
Para dum rasul ngon wali allah
nyambot rasulallah muhammadan
Malaikat malik jibril perintah
Geuyu tob bagah nuraka yoh nyan
Pintoe syuruga sigra yu peuhah
Perintah allah malaikat ridhwan
Geuyu meusolek printah le allah
Supaya indah Rawot deuh tampan
wate geusambot geunaseh allah
Nibak aminah lahe janjonjang
Ka nibak jibril sigra geupeugah
Tuhan geupeurintah malaikat yoh nyan
Dum malaikat yu tron ju bagah
nabi yaullah sampoe laheran
Dum malaikat nibak aminah
Punoh dum meusah semesta alam
Ngon kaye gahru wangi silempah
lam jeut jeut ceulah punoh dum sinan
Dzikir ngon tasbih jeut jeut daerah
tahmid ke allah seugala insan
cicem nyan puteh troh bak aminah
Cahaya indah lagak kon wayang
Di husap sayeub ubak aminah
wate nyan sa'ah lahe janjonjang
Ngon Jaro nabi muhammad leumah
Sujud keu allah, allahhu akbar,,
Walhamdulillahi katsiro wasubhanallahi bukrotan wa ashila
rata penjuru seunang silempah
meumuji allah jeut jeut dum alam
geumuroh meusu slaweut geulimpah
keu rasulullah bahsa meumacam
allahumma sholli ala sayyidina
Muhammad wa alaa sayyidina
Muhammad
Ya nabi salam alaika
Ya rasull salam alaika
Ya habib salam alaika
Sholawatullah alaika