Pantoen - Cae Aceh Ta Didik Aneuk
Oleh: Teuku Arol Dista
Dengoen bismillah,lon peuhah lirik
Lon ujoe keutik,dua lhe banja
Hoka umiwa,cuda ngon pakcik
Meubek neu abrik,lon neu seurapa
Judul lam bingkai,lon urai publik
SINYAK TA DIDIK,yoh jih balita
Umue jih nam thon,boh sukon putik
Keudeh ta tijik,bak balei Desa
Nyoe tatem murnoe,jinoe hai adik
Han gob eu jijik,singoeh oh raya
Beuna tajak beut,neuk jeut terdidik
Supaya cerdik,kitab jeut baca
Pubuet beu yang jroh,saboh beu baik
Hana di sidik,hai neuk gob ceula
Meu yang tham poma, bek gata usik
Allah brie taufik,singoh lam dada
Wate ka rayeuk,tampok boh u riek
Kajeut taguen plik,kadang oeh hawa
Meunan tam selan,rakan lam publik
Pubuet lah licik,tanyoe joh muda
Ban umu lanjut,kajeut gob lirik
Leu dum yang giek giek,gata di manja
Sinyak ka malem,baten tan komplik
Buet puet pak geusyik,geu hormat gata
Mernoe beu sunggoh,tuboh goh leumiek
Jaroe ngen geutiek,galom na ceudra
Beuna meu gure,teun te tiep detik
Han nyak teu nggik,wate dewasa
Umu teuh nam ploh,tuboh ka reuhiek
Kadang ka capiek,gaki dengoen fha
Kulet ka tundoe,bahoe ka bukrik
Pane lom asyik,ilme ta mita
Meubek tiep uroe,laloe lam li iek
Ta mita peng grik,tajak keu rija
Entek roh tacue,kubeu ngon boh pik
Ban man saboh biek,hai nyak gob hina