Pantoen - Cae Aceh PENGANGGURAN
Oleh:Misbahul Munir Al-ierbary
Nyoe keuh lon tuan contoh yang kana
Abeh dum lampoh keu pendidikan
Oeh dudoe teuman ka tan keurija
Wate ta pike seudeh kon wayang
Abeh meulang lang mandum sarjana
Ka abeh kantoe lon tiek lamaran
Sayang di dalam hana saudara
Sehingga ulon jak mita jalan
Balek haluan jak pula lada
Meubek keuh genggsi wahe e rakan
Asai bak tuhan sabe lam ridha
Yang sama nasib ngon ulon tuan
Ka meuno macam bak akhe masa
Neu mita jalan laen hai rakan
Kajuet ta korban titel sarjana
Bek putoh asa wahe e rakan
Mantong le macam cara usaha
Jak meu keubon meu seunaman
Atawa kadang jak meukat ija
Thon dua ribe pih ka berjalan
Le that tantangan leubeh lom raya
Meubek le lale wahe e taulan
Beudoh berjuang ta ilah daya