Peupatah Jameun Nadham Aceh Mate
Oleh: Hendri DifasDengoen Qulhu,uloen sibue,ngoen bismillah
Mandum tanyoe,dalam bumoe,milik Allah
Dak lat batat,meu kafarat,keu peu neugah
Nyan ka lazem,mandum takzem,keu poe tallah
Amma ba'du,sabda lajue,ban wiladah
Dengoen berkah,suroh Allah,ban geu teugah
Tamse mate,ka meutente,bak hazharah
Han pat gese,dak si mete,hay meutuah
Yg menyawoeng,agam inong,peu loem bilah
Oh troh watee,ka meutente,ciet ta langkah
Hana keukai,dak ka jawai,uloen pegah
Mandum matee,saban saree,dak keu sudah
Maka jinoe,bek lee laloe,wahee shahbah
Jak meununtut,ilmee makbut,jue beu bagah
Beuna beukai,neu meu amai,bandum surah
Ilmee fiqah,muamalah,beu neu peupah
Dak han malem,wahee dalem,ka glah langkah
Uroe dudoe,lam meuligoe,saban sahbah
Hana tutong,dalam lindong,safa'at glah
Beu neu pateh,bek meu langgeh,oh ta peugah
Kasep dilee,hay pham riete,uloen surah
Beu neu pateh,hay puteh gleh,dek yg cidah
Hana laba,hay syaikuna,dak heck babah
Cukop ikhlah,uloen pegah,bek neu bantah