TUJUAN PANTOEN SEUPAMA ACEH
OLEH: Agam Tupee Gampong
Dicong bak mulieng teungieng cempala.
Teungoeh meudawa deungon rampineung.
Cukop that meugah indah seumapa.
Gampoeng ngoen kota jithee beut ureung.
Asoe lam bungkoeh ratoeh meuhaba
Hantoem meuputa atau pih keng-keung.
haba ka meuhoe puwoe celitra.
Adat seumapa menan peukateun.
Oh watee tangieng teuhieng syedara.
Tapikee dawa peu koeng-koeng tuleung.
Padahai meunan lawan poh haba.
Lagee nyan cara adoe ngon aduen.
Mangat neuteupeu teungku seumapa.
Beu kayem buka watee lam reuweung.
Seubab getanyoe meunoe cuaca.
Mudi ngon muda bek le neu hireun.
Dak jeut tapeukoeng peudoeng semula.
Adat budaya yoeh masa jameun.
Bek ta peutuwoe asoe yang kana.
Bangket lom teuma kisah keurajeun.
Kajeut keuh dilee guree lam maya.
Malam pih jula lodieng ka kureung.
Lon lakee meu'ah salah meunyoe na.
Maklum syedara Tupee goh useung.