FENOMENA SEKARANG YANG SERING BERLAKU DI ACEH PADA MASA KINI
CAE Dialog mak ayah dan aneuk
Mak:
Jeh si nyak dara,ka muntah-muntah.
hawa keu lincah,ngon asam boh me'
Lon nging bak muka,ka mirah-mirah.
Bak sang hai ayah,dijih ka mume'
Malam barosa,bak lon ji peugah.
Ngon abg basyah,dijak u pange'
Teuga that ujeun,bak jeum poh 11.
Di piyoh bagah,bak saboh keude'
Keude ka mate,katrep gop keubah.
Pinto jih teuhah,yang na cit pa_e'
tamong u dalam,dijak peu siblah.
Mangat bek basah,tupong beureune'
Teungoh lon duk2,poma meutuah.
Ulon geuramah,le abg mae'
Geumat bak jaroe,sira geumusah.
Ka bi bang tuah,sigo bak sange'
Hingga hai poma,ulon paseurah.
Bajei lon peuhah,ateuh rak gule'
Sampo oh akhe,gopnyan ka puwah.
Ji teubit darah,wareuna ie te'
Ohban geudingo,lagei nyan kisah.
Langsong po ayah,ulei ka siwe'
Ngon ureung gmpong,kanjai meulumpah.
Galom meunikah,aneuk ka mume'
Laju si dara,geudhoet geu marah.
Aneuk rimung plah,bit arakate'.
Rugoe kujak jok,keudeh bak dayah.
Hana ka kubah,iman lam ule'.
Hana tijalok,meunan akai kah.
Poma ngon ayah,katem seumale'
Dengon soe ka eh,ateuh peuratah.
Aci ka peugah,ngon agam pane'?
Aneuk:
Teuma ji seu'ot,aneuk meutuah.
Wahe e ayah,yang raya mise'
Meuribei juta,lon lakei meu'ah.
Meubek neu cacah,neutrom bak kupe'
Gampong abang nyan,ideh di pandrah
Bak lon geu peugah,tinggai krung mane'
Watei lon seutot,ka hana jeulah.
Rame yang peugah,di lhokseumawe'