CAE ACEH MEUSEUNDA
oleh: MUSRI NA KATURI
Subra that got-got ateuh dheun sirèn
Hai Ibas Gci bibi keuh bèk krot
Asai kukawot na job yang patèn
Bèk lé tiep watèe lalèe lam supot
Han meujan lagot barang ta Onlen
Padum ka na trép lawèt ulikot
Aci ka seubot soe na bloe molèn ?
Meunyoe lon pakat meuhat cit patot
Kaleuh si akob kupeuturi péng
Jinoe ka kaya dua kana bhot
Yoh meuhai engkot seunang igrop crèn
Katém man ikah tajak cah gambot
Meuseu kudhot-dhot pih bèk beurigèn
Pubuet beusunggoh creuh broh ngat tatot
Bèk lé meupunjot sinaleung geutèn
Ilong rencana neuk pula rambot
Gaji meusangkot tuman na persèn
Untok pèng rukök jeut cök tiep supot
Saböh teuk balot niet ka lam cèlèng
Aneuk keulidèe sép meubèe geuntot
Meukudé tu-ot keubeu mat atèng
Caé malam nyoe geulantoe pulot
Bab mak sidawot pih teungòh trok mèn