5 BOEH MAKSIET YANG SIGRA GEUBALAH LEE ALLAH
(Syair Aceh)
Salam 'alaikum, wareh syedaraTuha ngon muda, inong ngon agam
Tapujoe Allah, tiep-tiep kutika
Geutanyoe hamba, nyan keuwajiban
-
Seulaweut Saleum, bek sagai hana
Akan saidina, Nabi nyang khatam
Ateuh sahabat, dan keluarga
Sipanyang masa, neubri ya Tuhan
-
Na Pabrek seumen, sideh di Lhok Nga
Aceh Utara, PT PIM sinan
Hajat peusampoe, rampoe ulon a
Didalam rika, keu peuringatan
-
Ibeunu Majah, nyang rawi haba
Hadist sayyidina, Nabi meukalam
5 boeh maksiet, geubalah sigra
Hana Geutunda, limong salahan
-
Peureutama phoen, meungsoe meuzina
Seucara nyata, teurang-teurangan
Allah geubalah,akan nyan Hamba
Tha'un jirasa, nakeuh balasan
-
Peunyaket laen, tamah lom sigra
Nyang hantom teuka, yoh sigohlom nyan
Ingat hai rakan, Allah Kuasa
Lagi lom teuga, uroe ngon malam
-
Meunyang kedua, peudit neuraca
Atau syedara, geuweuk sukatan
Seubagoe bala, musem khueng teuka
raseuki juga, lam keseumpitan
-
Allah tamah lom, ka deungon bala
Di penguasa, lalem hanaban
Nyang mat peurintah, adee pih hana
Rakyat meurasa, hanpah pimpinan
-
Teuma nyang keu-3, tasamboeng haba
Ureung meuharta, ka kriet hanaban
hana geutunai, zakeut bak masa
saweub that cinta, bek kekurangan
-
Geupeutheun hujeun, uap nyan dausa
Mangat jirasa, balasan Tuhan
Meungkon binatang, ateuh rhueng donya
Hujeun han teuka, dak barangkajan
-
Nyang ingkar janji, keu-4 syedara
Allah bri teuma, musoh awak nyan
Sanggop Jireubot, ladoem duem harta
Lee miskin-papa, ureung ingkar nyan
-
Keu Nyang teurakher, na Penguasa
Hukom ka jiba, kon ban aturan
Kiban meuheut droe, meunan Laksana
Seusuai hana, deungon Al Qur an
-
Meuprang saudara, Allah bri bala
Aman sentausa, masa nyan ka tan
Ureung lam nanggroe, lam haroe hara
Lee manusia, meunyang jeut korban
-
Meungka tapubuet, Limong perkara
Teuntee tarasa, bala-bala nyan
Hana lee yang jroh, akan tarasa
Ateuh rhueng donya, kheun Nabi khatam
-
Jinoe ci kaji, wahee syedara
Ban mandum bala, katroh peukeuh han??
Meung soe teulanjoe, ka meu keurija
Taubat beusigra, lakee amponan
-
Ka sep keuh ‘oh noe, ca-e lon pada
Tacok keuh makna, nyang keubaikan
Peumeu'ah ulon, Mutawassila
Pat-pat nyang cupa, peumeu’ah rijang
----
Created By : 2A, Lhokseumawe
==
Hadist :
Dari Ibnu Umar Ra. ia berkata: Rasulullah Shallallahu ‘Alaihi wa Sallam mendatangi kami (pada suatu hari) kemudian beliau bersabda,’ “Wahai kaum Muhajirin, lima perkara kalau kamu telah diuji dengannya (kalau kamu telah mengerjakannya), maka tidak ada kebaikan lagi bagi kamu. Dan aku berlindung dengan Allah SUBHANAHU wa Ta’ala, semoga kamu tidak menemui zaman itu. Perkara-perkara itu ialah:
1. Tidak tampak perzinaan pada suatu kaum sehingga mereka berani berterus terang melakukannya, melainkan akan berjangkit di kalangan mereka wabah penyakit menular (Tha’un) dengan cepat, dan mereka akan ditimpa penyakit-penyakit yang belum pemah menimpa umat-umat yang telah lalu
2. Dan tiada mereka mengurangkan sukatan/ukuran dan timbangan, kecuali mereka akan diuji dengan kemarau panjang dan kesulitan mencari rezeki dan kezaliman dari kalangan pemimpin mereka
3. Dan tidak menahan mereka akan zakat harta benda kecuali ditahan untuk mereka air hujan dari langit. Jikalau tidak ada binatang (yang juga hidup di atas permukaan bumi ini) tentunya mereka tidak akan diberi hujan oleh Allah Subhanahu wa Ta’ala
4. Dan tiada mereka menyalahi akan janji Allah dan Rasul-Nya, kecuali Allah akan menurunkan ke atas mereka musuh yang akan merampas sebagian dari apa yang ada di tangan mereka
5. Dan apabila pemimpin-pemimpin mereka tidak melaksanakan hukum Allah yang terkandung da lam Al-Qur’an dan tidak mau menjadikannya sebagai pilihan, maka (di waktu itu) Allah akan menjadikan bencana di kalangan mereka sendiri.” (HR. Ibnu Majah)