PEUKATEUN INONG JAMEUN NYOE (LADOM)
(Cae haraf pincang)
oleh: SISEUK BAK PANTE
Di lampoh timoh keutila
Lam paya timoh simot-mot
Meukawen ngon aneuk dara
Tabloe baja beungoh seupot
Lom ngon bungong meulu jeumpa
Bloe ija lambang leumbot
Ladom ureueng he syeedara
Jimeuhawa nyang kon patot
Jilakee le gleueng suasa
Beu raya ban ulee teuot
Takoh trieng tableuet keu raga
U kuala jak bloe eungkot
'oh meuteumee sipeng laba
Tablo bada deungon pulot
Got peukateun hana tara
Beungoh seunja idang jibet
Meutan tabri gleueng suasa
CEUKEN MUKA beungoh seupot
Meunan ladom he syeedara
Nyang kon kada ateueh patot
Nyang mee taboh GLEUNG SUASA
Ateueh RUPA bu meusambot
Meukon meunan peue tahawa
Meunyo rupa tamse SIPOT
Ladom ureueng jimeuhawa
Tadeungo SUBRA inong carot
Meuhan tabri nyang jihawa
JISEURAPA rimueng angkot
Seuot lakoe teuma sigra
Ngon dara meuseuot-sambot
Gata lakee gleueng suasa
Bloe TEUMAGA kujak balot
Meuhana peng pakri daya ?
Bah teumaga Ion yue salop
Asai mantong tatueng cahya
Peugala han jitem lagot
Meulon boh gleueng nibak GATA
Dumna LABA bak ceureulop
Asai bak na gleueng suasa
Beuthat teumaga jeuet tabalot
Taek u gle teungoh rimba
Lam data timoh bak rambot
Nyang tan RINGGET malee mata
Jibungka jeumeurang laot
Han le jiwoe troh 'an tuha
Jak SEUMUGA blahdeh laot
Manyo hana le AREUTA
Tan le gisa nyan u likot
Meunyo na peng he syeedara
Peue nyang pinta ek JIANGKOT
Ringget pi LEO jroh ngon rupa
Seunja-seunja TAREK SEULIMBOT
Leuho uroe singoh jaga
Lam tika MEUBALOT BALOT
Han jan beudoh beuthat jula
Bandua NAPSU peuturot
Hana sikrak jimeudawa
Ate suka beungoh seupot
Tamse putroe deungon banta
Bandua cidah meusambot
NYOE NA PENG....!!!
NYOE HANA NEUBAYANG AJU