Cae Aceh Kisah IBU TIRI (MA UI)
OLEH: Abu Yazid SigonaTupe grop lambong,dicong bak seutui.
diyup jidong bui,ji preh rhot saboh.
leupah that saket,udep lam mutui.
nibak poma ui,kayem keunong poh.
nyo dikeu ayah,kop pah peurangui.
geuduk geutikui,gopnyan tan syeh-syoh.
oh leupah ayah,wajah di sambui.
lagei na apui,iduk bak jeumoh.
tan meupue seubab,ilhap di ma ui.
tanyoe gui-gui,sabe lam rumoh.
rasa lam hate,hanale jeut ngui.
asoe geutem cui,adak tan lanoh.
sabe geucarot,geudhot meu pui-pui.
tanyoe geu lantui,kulet teuh runyoh.
geuyue sok bajei,yang bei ka hangui.
ta lakei eungkhui,geu bi bu angoh.
Komentar Oleh:
Lisa Ulfa
Keubit sep paloe lagoe di mak ui
Meunan peurangui beh soe jak sunoh
Nye lon hai abu nyan dum ibu ui
Lam prontok ku krui bek le deuh jumoh
Bajei lam mari asli lon sang-sui
Beusep meupui-pui bak ruang teungoh
Wate geupicrok bak rok phon tagui
Beu meupula pingkui gopnyan bak tanoh
Tapi bandum nyan lon tuan meungui
Oeh ka meuapui hate lon angoh
Nye mantoeng saba lam dada nyum phui
Beuthat lage bui, han lon meurunyoh
Angen dipeukrui, peupoet pade soh
Udep meukaleung yup seung ngen ma ui
Sayang that meutui, sabe keunong poh
Jan yg meudiyeung geuteumeung geugui
Ka abeh sansui, oek-oek ngen jumoh
Hantom na ruweung nak timpheung beuphui
Sabe meugasui, bak abee tanoh
Cicem rampeuneung bak cabeung sutui
Bulee get that rhui, yg ban jitimoh
ie mata paseung bak keung meururui
Lagee sang apui, lam dada angoh