Cae Aceh Lajang Alias Jomblo
OLEH: Misraa Poetrie Alexsya
Bacut risalah kisah lam karang
Judul jih lajang alias jomblo
Cerita cinta gura kon wayang
Tujoh droe cut bang ka ulon kheun ho
Abg yg keu Phoen ampon bangsawan
Ureung jih mapan keurija kanto
Kulet geuh puteh kop gleh deuh badan
Tapi hay rakan ok gobnyan krebo
Abg keudua niaga barang
Seureng teureubang trok kota kairo
keluarga kaya harta meukuyan
Tapi that hitam ban awak negro
Cut bang yg keu lhee dithee teuladan
Guru yg sopan leumbot ngon tuto
Ureung jih mameh rumeh hana ban
Ngon ulon tuan kalheuh dong foto
Abg yg keupeut semeubeut kur'an
Ustad di seugan jeut calon linto
Rap trok makusud meuheut beusajan
Leh peu salahan hana meu judo
Teuma keulimong hai ngon pih saban
Ureung jih tampan hi aliando
meunyo peng tamong bek tanyong pajan
Toko di thailan lapan boh pinto
Abg yg keu nam vi et nam jeupang
Geuwoe woe riwang u kota tokyo
Meuturi ngon lon yoh fon di medan
Sithon pacaran leh ho geu tajo
Abg keu tujoh karoh lam reugam
Ureung lon idam keu ngon si kaso
Kamoe neuk lanjot ke pernikahan
Keuheundak tuhan mamandum hanco
Mandum ka leungkap siap teurancang
Peu yg ta bayang kalheuh ta ato
Tetapi cita hansa ta sandang
Hate meulayang ie mata lon ro
Nyoe yg keu lapan abang lon syang
Wajah geuh rakan ban artis indo
Ureung cukop bhok cagok kon wayang
Kuat meuayang peugah haba bo
Tapi ku deungo lagee nyo2 sang
Ta kalon bimbang ban lhee go luho
Meunyo ta ceukot tentang lamaran
Beda ju tampang teu taho taho
Kaseb nyoe dilee ritee lon layang
Pat yang na irang neu cuba hallo
Pajan na watee tentee na luang
Geuba balasan Kanda Vario
Komentar oleh:
Andai bak tapak meupacak labang
Paleng hai intan kulet teupuroe
Luka nyang beukah jeut lah ta perban
Hana trep kadang darah pih katho
Tapi nyoe hate reule ngon reudam
Paki keuh jalan soe nyang ek sumbo
Percuma gaseh meulapeh sayang
Rugoe lon idam gata lam kasoe
Hana taniet na cinta kang seuman
Pakon tan roeh nan watei ka ato
Pakon yg laen canden lampirkan
Pue karna tampan kanda vario
Sigoe tacatok luhok ube blang
Pula bak pisang di bineh jambo
Keubit sep elok cocok ngon reumbang
Teungoh neu ulang mantan neu ato
Habeh neu sundi dum kri neu tuban
Gareh seupontan bandum neu hambo
Sep meu-en voli meuruti meunan
Tamah cadangan jeut meu-en ludo
Bandum neu peuhah kisah masa nyan
Saboh rombongan keu calon judo
Keubit sep paloe lagoe cut intan
Habeh neu tuban leumoh ngon macho
Dec Misraa Poetrie sini lu sayang
Keunoe beu rijang u bineh pinto
Bacut lon ungki lon sundi ulang
Kisah yang irang gaseh meuhambo
Peu na teuingat ci mat bayangan
Dilee masa nyan miyup bak sawo
Teungoh tapiyoh di lampoh asan
Sambe cok cawan taneuk leng milo
Kon na lon peugah jeulah meu paban
Suai pacaran ta seutop lets go
Kisah ta tamong deungon tunangan
Gata peugah han aduh hai mak eo
Sinan keuh saket hana muoh ban
Padahai intan keu dara baro
Nibak ta asek lisek that keu can
Putoh hubungan sinan bak jambo
Kabeih kubaca rika lam karang
judul si lajang yg rasa jomblo
ka hana jodoh meu saboeh agam
dari yg lapan yg ka meu ato
nyo ulon tileik meukeik sep reumbang
kon salah abang hanjeut keu judo
mandum nyan awak lagak rupawan
tapi si intan loe that meu ato
han jitem seri beu jibi meunang
pulom hai rakan dijih yg talo
sabe meudawa han bla2 saban
dari phon malam sampe an leuho