Cae Aceh PEU JIOH BEUT JAHEE

Cae Aceh PEU JIOH BEUT JAHEE

oleh: Bang Yunus Alfara
Cukop brat tajam-si duroe awee..
Tincu beukonle-duroe belangan..
Bacut lon kisah-haba lon rawee..
Kebhah bohate-macam piasan..

Hudep kamalang-ka abeh reulee..
Bungong siren gle-but angen guncang..
Kapatah karang-kaduroh tangkee..
Bak tanoh meuble-bungong metimphan..

PEU JIOH BEUT JAHEE

Wate teu ingat-seudeh lam hatee..
Kuta ngon di glee-Atjeh lon sayang..
Cukop meulang lang-wate ta pikee..
Bungong seurungke-ka abeh sawan..

Wahe sang bungong-ingat bohatee..
Dalam beut jahee-ta piyoeh rijang..
Pakon lage nyan-hai bungong padee..
Ta gulee gulee-sampoe lam kubang..

Beuna nyak sayang-dara jenglingkee..
Ureung peulahee-hai bungong lawang..
Poma ngon ayah-bek peu weuh hatee..
Beuna ta pikee-hai putik mancang..

Beu ta peu ji'oh- lajue rijang lee..
Bek keuh tahei lee-bala ta hidang..
Larangan tuhan-bek that ta pikee..
Oh wate matee-azeb meu guncang..

Su'um meu lumpah-di uroe pagee..
Peudeh meure re-seksa an tuhan..
Nuraka tujoh-keu ureung jahee..
Tutoeng beukonle-dalam jahannam..

Etnoe meu mada-meu saboeh caee..
Peu nawa hate-yang lon dendang kan..
Bagoe nasehat-rampoe lon ukee..
Keu ubat hatee-keu mandum rakan..

W a s a l a m...!!!