Cae Aceh MEULANGGAR HAM (HAK AZASI MANUSIA)
Oleh: Ungku Dukoen Ali
Hukoem Allah, Hukoem islam
Geuyue rajam, Sit seureutoeh
Yang meuzina, Wajeeb Hantam
Geuyue keutam, awee haloeh
Yang na lakoe, Kana mahram
Galak mamam, Laen pajoeh
Bineeh jalan, Geuyue tanam
Cit geuyue Pam, Bak ureung troeh
Yang ceumeucue, Wahee insan
Jaroe sikhan, Geupeuputoeh
Nyoe di cok lom, pakri teuman
Jeut Neukuran, Sampee duroeh
Tapi jinoe, Laen macam
Peraturan, Han geujeut boeh
Seubab inteuk, Meulanggar Ham
Dengon reusam, Tan peuneutoeh
Leubeeh nariet, Jeut keu sawan
Lam seuroek ran, Teuh di bloeh bloeh
Ngon polisi, Meu urusan
Cit ka meunan, Jameun awoeh
Peu lom takheun, keu atasan
Lam minet nyan, Teuh di laboeh
Kecuali, Jih na ruman
Dengon saham, moto haloeh
Yang inti jih, ikeey beuklam
Bak klap malam, Kuseumeusoeh
Ban teukeujoet, Ngon Alaram
Jeum ka poh nam, Lewat siploeh
Sep mangat eh, Lumpoe keu nyan
Kenyataan, sit hantom troeh
Yang bek tuwoe, Kewajiban
Suroeh Tuhan, bek meutanggoeh