Cae Cinta PAWANG BULO
riyeuk meulumpat Bakat peu tampoe
Bu-eh ji peu poe, jeh ho meuhambo
Ka geulombang ron,meuhimpon sahoe
Bak saboh sagoe,keudeh teupeuro
lam sinar buleun bayeung peu awoe
Ka hana le poe saboh peuraho
Meuhalak pandang meu langlang sidroe
Pawang tan meuhoe,di tinggai jalo
Goh meutuka jeum meubileung uroe
Laen neu Peutoe kapai yang baro
Padum na inseuh weuh hate adoe
bukon le sigoe ulon moe ba eo
Rasa nyum saket meupiret asoe
Dada loen seungkoe jiwa sang hanco
Kiban ulon kheun jangeun ulon proe
Meu khot2 jaroe bak lon meu tuto
Han troh ban Maksud meuheut han sampoe
Pawang lon pujoe rupa jih BULO
Jalo geu hila meuka geu eungkhoe
Bahkan golom troe,,leh hoe geu tajo
Mungken ka nasep hudep lon phangphoe
Taqdi nibak poe hana meu judo
Walau di hate sabe be galau
Ka lon peu tuwoe droeneuh abg eo
Seulamat jalan peusan lam rampoe
Bek le kanda woe jak saweu jalo
Ka lon ploh pukat, teu ikat taloe
Bak tiang busoe peu sadeu baho
Oh lon bi watee meuribee tempoe
Di pawang laloe ngoen janda meutro
Ek neutem peuklik si putik panjoe
Pakon abg droe droeneuh teukabo?
Jinoe hana le bohate bakhoe
Baro lam lumpoe ta eh si kaso
Kana yang laen si canden Putroe
Pane neu pakoe, oh tee lon hallo
Kasep nyoe dilee ritee lon pasoe
Buhu mate oe ,ujong mate o
Meupat na irang rijang neu gantoe
Pantoen seuleusoe hate ka hanco