Cae Seni Buday ACEH PAWANG BULUT
oleh: Syehk Syo'hk
Saboh lantoenan,,Haba meujeu'eut
Mula bak lumpoe,dumhoe teureubang
Dari phoen Medan,,trok lampeuneurut
Lewat Lam puloe,,meuwoe u sabang
Hajat lon tuan,,riwang rot laut
Keumayoeh betra,,dalam geulombang
Mufom keu pawang,,meunan keuh Maksud
Bineeh kuala,dara rupawan
Lakee menumpang,keunoe lam kelut
Hanjeut lon tulak,,nyan permintaan
Karna lon tuan,,sidroe penurut
Bukon lon peugah,,keudroe get akai
Chit ka lagee nyan,,dari yoeh ubeut
Galak teumuloeng,,aroeng lautan
Pulom penumpang,,cukop meusaneut
Laju lon peugah,,silah ek kapai
Bak ibuk bidan,,yg Jaroe tirut
Deungon bismillah,,mula meugawang
Pawang safrijal,,geu ek dalam but (bot hai)
Angeen peubapoet,,riboet ngen topan
Riyeuk geulombang,,sang sang troek jakeut
jalo meuayoen,,siroeng gemilang
Dalam beurawang,,sijuek meucheut cheut
Suwah cok ija,,yang cap boh mamplam
Sawak di badan,,rijang geubalut
Jalo ka tireeh,,binteeh ka rirang
Seubab geulombang,,garang seumeuseut
Oh ban teujaga,,Kana lam tilam
Ija cap Mamplam,,sikhan ka bulut
cukop meupaloe,,di lumpoe edan
Dada meuguncang,,jantong meudheut dheut
Panton lam mideun,,hireun Kon wayang
Lumpoe keu pawang,,pinggang ka bulut
Etnan meumada,,Haba teurawang
Nibak laen jan,,karang tameureut
'alaikom salam,,neujaweub rijang
Akhirul kalam,,salam sipaleut
Meupat na cupa,,atawa sumbang
Neutuloeng kokang,,dalam komenteut