Pawang Jalo Tireh Lam Pantoen Cinta
oleh: Maksud
Angen peu bapoe, patah cabeung tho
Bak galak hate, meu kawe seungkoe
Ka teutop jaroe, darah pih ka ro
Bak leupah kayoh, jioh han meuhoe
Ka sigoe sahoe, arah meu tajo
Ka salah tamse, Wahe rakan Droe
Lage lam lumpoe, bak film rambo
Kadang teupike, sabe oh uroe
Kiban meu sahoe, dua si jalo
Seubab han patoet, meu suroet dudoe
Bek roh meu gilhoe, cabeung kaye tho
Bak salah arah, peuneurah beusoe
Roh meu sak jaroe, leupah that meujho
Ban tubit darah, meu ruah asoe
Baro meuthe droe, oh ka teulanjo
Baroe Teukeujoet, ban supoet uroe
Rupajih adoe, awai gop hambo
Yang leupah seudeh, peudeh meupaloe
Pakon oh dudoe, Baro na info
Masa ka lewat, bek that neu pakoe
Ta seungap ju droe, Wahe tgk eo
Mungken kehendak, meunan Nibak poe
Golom troh sampoe, gata ek linto
Beurayok saba, gata bek rangoe
Bah ulon peutoe, gusuk bak baho
Ta mita laen, canden geulantoe
Yang jeut keu binoe, hai pawang mando
Bak sang meumada, rika lon sampoe
Bek roh meupasoe, kata teulanjo
Ulon meugade, lake nibak poe
Dak tuha tuloe, beuna keuh judo