PAWang meulayOEN - Pawoen Meulayang Cae Cinta
oleh: Al Azzin
meugrak teukeudi,Rabbi peunyayang.
yang peujeut 'alam, ngeon langet lamboeng.
yang peujeut laoet, riboet geulumbang.
yang bri cubaan, maha peu nuloeng.
seulaweut saleum,manduem ta layang.
akan janjoengan, Rasul yang agoeng.
keu rakan sajak, galak keumarang.
saleum loen tuan, Asalam a'laikoem..
pawang meulayoen,pawoen meulayang.
gadeoh lam reugam, abeih meu sinthoeng.
hajat keu adoe, loen nyoe jak pinang.
tapi that sayang, sang nyoe ka puntoeng.
pawoen loen kubah, lam taih geunulam.
jeulamei intan, keu bungoeng gampoeng.
tapi that seudeh,peudeh keon wayang.
putoh harapan, saket loen tanggoeng.
janji ka teuntei, watei ka timang.
jak ba ikatan, seulangke kunjoeng.
akhe jih meunoe, rangoe cut abang.
han troh tujuan, janji ka siroeng.
seuhingga adoe, jinoe meulang_lang.
ta harap pawang, keu tukang dayoeng.
harap peungayoh, beutroh jeumeurang.
deungeon loen tuan, beu saboeh tampoeng.
ureung syiek dinda, pih ka geularang.
keu uloen tuan, han le geu dukoeng.
hana le yakin, Al_azzin datang.
jak ba tunangan, gagal o'eh ujoeng.
siduemna malei, ulei loen tumpang.
seudeh keon wayang, tijoeh ie hidoeng.
ho keuh uloen jak,tapak loen layang.
peu puleh mumang, meu adu untoeng.
harta loen abeh, jayeh ngeon malang.
rasa ka irang, putoh seunamboeng.
hana le mungken, canden loen riwang.
jinoe loen sayang, tan le soe tuloeng.
ureung syiek loen nyoe, adoe keon seunang.
tueng upah lam blang, keon duek lam geudoeng.
keon ureung kaya, yang na wewenang.
meu bu tan kadang, payah kap jagoeng.
seubab nyan dinda, peurmata nyang trang.
adek loen sayang, putroe loen sanjoeng.
ta niet meuninggai, ka ajai cut bang.
tan le lam bayang, kajeut almarhoem.
indah asmara, rasa ka reuhang.
han saboeh jalan, meubeda juroeng.
gaseih ban lumpoe, jinoe loen keunang.
uroe ngeon malam, seusak lam jantoeng.
cinta goeh abeh,gaseh goeh leukang.
namun ikatan, jinoe ka puntoeng.
hajat han sampoe, adoe loen pinang.
pawoen lam reugam, gadeoh o'eh ujoeng.