Cae Aceh Pawang Nahkoda
oleh: Muhd Fajar Sang Pujangga
Sabe tiep masa han ek ta bileung
Salam"alaikum umii ngon apa
Mula fhon haba cek nas beot saleum
Pujoe ngon syukor sagai bek lupa
Rasul Mustafa seulaweut langgeum
Akan ta pateh keupoe rabbana
Yang cipta donya seluruh bideung
Bak turoet hate harab bahgia
Akhei kecewa nyangka meutemeung
Bak pike adoe ureung setia
Saket loen rasa luka tasurung
Andai loen teupue dari semula
Rihon lam dada meuhat loen peuthuen
Sunggoh han cut bang meu-ucap cinta
Keu gata dinda peudeh loen tunyeum
Loen sangka Madu taboeh lam kaca
Padahai cuka jampu ie su'um
Puteh ban tuleung gata loen puja
Balasan hampa keuloen ta suleung
Loen harab buleun beujeut keu-sua
Lam seupoet buta cahya lam ruweung
Loen tamse adoe jeut keu peunawa
Pue ubat lara luka yoh jameun
Padahai peudeh saket bak nyangka
yang ka goh mala laen ka pateun
Meunan keuh rinteh tambeh laksana
Bagoe umpama pepatah janguen
Sayang loen tabu sibu tiep masa
Tangke taputa gata wiet cabeung
Di ateuh kudee tatindeh luka
Tatamah sira cupa ie kuyun
Janji ta ucap sumpah setia
Duroeh meu leu-a bungka dum kengkeung
Ban kana laen ureung yang kaya
Si gasien hina hana taboeh yum
Sikada tambeh loen cureh kata
Meuah adinda meunyoe na meunyuem
Kadang teu ireh seudeh lam dada
Bah gop nahkoda sayang peusoek gleung
Riyeuk meusamboeng di pusong langsa
pasi krueng raya teuka ie paseung
Akan loen kubah kisah ngon gata
Walau pih luka sampoe jitoeh peung
Ngon seubab buweh angen utara
Bakat that subra han ek loen beunteung
Mungken na laen pawang nahkoda
Aroeng malaka hayeu ngon useung
Dengon wasalam intan permata
Ujoeng cerita uloen ka mue glum
Jampang na wate keunoe loen gisa
Balah komenta meusoe nyang deuh rung