Seni Buaday ACEH CAE PAWANG SEULÔ
Oleh: Kanda Vario
Saleum bek rapôh, beutrôh keu pawang
Meugaseh sayang, bek keundô-keundô
Haba beu tanggôh, ratôh beu garang
Judul ka teu phang, si PAWANG SEULÔ
Nibak kali nyoe, rangoe kon wayang
Masalah pawang, cukop meuhambo
Meuranjoe ranjoe, meubagoe reuhang
Na yang mat parang , bak reupah jalo
Meubagoe curak, sajak geu dendang
Sibok kon wayang , sampe u kairo
Meuwap salah jak, tapak ka reunggang
Meuwap salah cang, jaroe ka hanco
Wap gara-gara , cinta meulayang
Abeh dum pawang,langue dalam tho
Wap mita-mita, rasa beu reumbang
Rab meu 'uet parang, bak atree majo
Na yang meupaloe, tiep uroe bimbang
Na pihak pawang, han geu theun talo
Padahai jaroe, rab buchoe ngon tang
Geu pura garang, mangat deuh macho
Bak hantem rugoe, yang paloe barang
Awai droe pawang, meunan meututo
Seugohlom buchoe, taloe bak seuntang
Awai meu gawang, janji keu linto
Pokok jih jai that, surat meulang lang
Lam gaseh sayang, hana meujudo
Janji geu peu mat, mangat bek goyang
Dak laen pawang, hanjeut le tajo
Macam tragedi , janji chot bintang
Meunan karab trang, ka pura kheun ho
Bak peugah janji, bibi sang parang
Nyan sidup garang, nibak geu salto
Pokok jih meunan,rakan lon sayang
Laen di pawang, laen bhah tuto
Inti lam peusan, lon tuwan peutrang
Cit biok baksang, lon keuneuk info
Bek gabuek-gabuk,neuduek beu teunang
Suai nyan pawang, ka lheuh geu ato
Dipat keuh binoe, yang tanyoe pawang
Bek bimbang-bimbang,eo calon linto
Han keuh meutuka,han sit meulabang
Bek goyang-goyang, masalah judo
Yang peunteng do'a, beuna sembahyang
Ikhtiyeu lheuh nyan, mohon bek keundo
Ma'ot peuteumuen,bandum kalheuh trang
Raseuki ngon h'an , peunteng bek A-O
Nyankeuh sipatah, lon peuhah karang
Ingat hai pawang, yang peunteng SEULO