Peuneusan Pawang Lam Cae Cinta
oleh: Aduen Meutuah
Meunye mantong trang buleun u bumo
Keupeu tsuasa meu harga pih tan
Meunyo bandengan ie meuh jeut mano
Beuneung ta tarek bak lintek awan
Sayeub seulayang ban tuleung leumo
Deungong bak taku meurdu alunan
Akhe jeuritan bak sang su uno
Ruman ta kawoet rot likoet bayang
Rot keu ta pandang bak sang kon meuno
Bungong lam kaca jeumpa hiasan
Narit ta reupang laen deuh keuno
Beudoh hai jeumpa bah kanda pawang
Jaloe jeumeurang bek le meulango
Ta samboet jaro putro meuligan
Peunawa badan bek le lam rango