RISALAH CINTA IBUK APOTIK
oleh syehk nangroe idi
Peugöt risalah masalah cirik
Cit ramè yang lik comen pih hadir
Meuseu tapeugah keubhah politik
Kayem ureung chik keunoe geumampir
☆☆☆
Taciköt jinoe keu Putroe cantik
Pikiran cerdik caröng memikir
Dijih keurija nibak Apotik
Soe yang meutungkik atawa wasir ?
☆☆☆
Keunan neutuju ci neuyue suntik
Yang bek neukhik-khik, Saket? Neutaqbir
Kadang hai rakan badan neuh lumik
Neu ingat Khaliq beule meuzikir
☆☆☆
Ulon na pernah rubah lam leu-ik
Dikhem si taufik ngon si Munawir
Teungöh kuceungklöt silöp meucawik
Laju lon teutik disampeng dorsmir
☆☆☆
Abeh dum luka rata jeut lungkik
Gaki rap capik meudarah bibir
Jak mita ubat ubak apotik
Luka yang jijik pengen lon beuclir
☆☆☆
'Oh ban trok keunan jampang lon lirik
Deuh putroe cantik jimat formulir
Lon ujoe sapa haba lon bisik
Hai dek bek panik lon kon penyihir
☆☆☆
Pue na peunawa luka meusilik ?
Saket abudik rasa khawatir
Neubi keuh ubat yg göt that baik
Bagah ju neutik meupadup butir
☆☆☆
Siseun dua seun leh padum detik
Ubat geupulik na cit yang cair
Hana tijalök tan syök bg Musrik
Hasrat meucawik keujih ka naksir
☆☆☆
Sinan phon mula cinta lon didik
Lafai phon ku tik lewat röt syair
Langsong disambot tan rhot lam lungkik
Beusabe asyik bek le berakhir !!!
☆☆☆
Lampoh di timu tapöt böh u rik
Ta dagang böh pik sira musafir
Adoe ngon aduen pateun ngon putik
Yang hana tem LIKe neupreh kèe blokir
☆☆☆