CAE NASEHAT HAN JEUT PEUTOE WATEE HAIDH
OLEH: SYEKH MUSRISalam'alaikum saleum keurakan
Inong ngon agam aduen ngon adoe
Geulantoe lon bri kupi ngon timphan
Saboh karangan lon unggah jinoe
Bacut tanyoe bhah masalah islam
Teuntang hubungan lakoe ngon binoe
Keutika meuhed kutoe masigam
Geutanyoe agam han jeut tapeutoe
Ta jimak hareum geukheun le Tuhan
Nyan keuh larangan haroh tapakoe
Geuyue preh istri 'oh suci badan
Baro hai taulan wata' ban heut droe
Han geubri peutoe bek salah paham
Nyan keuh cuma nyan wahe phan rampoe
Antara teu-ot upusat hai bang
Han jeut tamayang meusenda gurou
Meunyoe bak laen bebas tan larang
Deungon pasangan kiban yang bakoe
Dak jeut ija krong sambinoe pinggang
Supaya keunan bek roh ta caphoe
Ranup seulaseh meutindeh karang
Ranup lampuan meujampu raghoe
Etnoe ka habeh rinteh karangan
Bah ukeu tuman laen tarampoe