CAE NASEHAT TULAK BALA
OLEH: CUTLEM MEREUJANYôh di gampông ujông batèe
Saböh murèe na geupeujak
Tulak Bala ba bu patèe
Ramèe-ramèe keunan meujak
Bak Rabbana do'a lakèe
Kön meugadèe nibak umbak
Bukön puja budha himbèe
Sajan gurèe na lôn simak
Na hoë laèn meuchén gèsèe
Tanggai wa lhèe bak almanak
Macam haba na lam jureè
Keunan kènsèe lôn keuneuk grak
Han neupatéh cök neupatèe
Peumeuteumèe droëneuh bapak?
Dilôn harök cagök neumèe
Jeut lôn lakèe keuneuk kudak? 😊
Sang hana rôh dalam pangkèe
Nyum bak lagèe tan jigalak
Kadang jilhôh yôh di keudèe
Gata jithèe leupah cangklak
Seungap-seungap ngat bèk malèe
Le that sentèe raya ablak
Jilum haba gata ulèe
Ngat jibri thèe bak khalayak
Maka hudép e fans rithèe
Ingat watèe trôh u pucak
Bèk ban jeut sak óh igoë lhèe
Gléi geurutèe sang geuleupak
Seulôw mantöng pakön gurèe
Baca ritèe beuthat norak
But politék lisék bhèe èe
Lam peureudèe ju tahamak
Politèk göp politèk qèe
Dalam ulèe kuwah leumak
Nama rakyat meuhat jimèe
Leuh na palèe teuka pakak
Töh politèk baèk murèe
Bak "Panghulèe" tanging jeujak
Geu seumikèe hatée ulèe
Ngön 'ileumèe kön cök rabak
Jak u banda mita bajèe
Bloë böh jambèe peuget rujak
Bak sang mata nyoë ka layèe
Öh noë dilèe lôn meusanjak